Një çift turistësh francezë, të cilët shijonin verën dhe plazhet në Sardenjë, rrezikojnë burgun pasi kishin vjedhur rërë në plazhin e Kias në jug të ishullit, dhe e kishin fshehur në bagazhin e SUV.
Turistët francezë u arrestuan nga Guardia di Finanza Tenenza të cilët zbuluan katërmbëdhjetë shishe plastike të mbushura me rërën e imët të dunave
Sipas një ligji ligji të hyrë në fuqi në vitin 2017, në Sardenjë tregtia e rërës dhe guaskave është e jashtëligjshme.
Francezët që rrezikojnë në 6 vite burgim ose gjobë 3000 euro, janë justifikuar se donin ta merrnin rërën në shtëpi si “suvenir” dhe se nuk e dinin që po kryenin një shkelje.
Gjithsesi sasia prej 40 kg e rërës, e futur në14 shishe plastike, ka tradhëtuar pretendimet e tyre.
Në momentin e arrestimit, francezët turistë ishin duke u nisur me traget nga Porto Torres për në Tulon të Francës.
Rëra e bardhë e plazheve në Sardenjë konsiderohet si një e mirë publike dhe si e tillë është rreptësisht e ndaluar nxjerrja e saj jashtë ishullit. Për vite me radhë vendasit janë ankuar për vjedhjen e aseteve natyrore, përfshi edhe rërën.
Në vitin 1994, autoritetet vendore kufizuan aksesin në plazhin e famshëm rozë në ishullin Budeli, në verilindje të Sardenjës, pasi rëra e çmuar po pakësohej çdo vit.
Turistët, kryesisht europianë, e marrin atë me shishe plastike për ta shitur më pas në ankande të organizuara online.
Vjedhja e rërës kohët e fundit ka marrë përmasa alarmante. Agjentet e sigurisë në aeroportin e Cagliari-t kane sekstruar vetëm muajin e fundit më shumë se 200 kg rërë, vjedhur në plazhin e Arutas, në provincën e Oristano
Komente
Lajme të tjera
-
Gjoba deri në 3000 euro për 41 turistë, vodhën rërë dhe guacka në plazhin e Sardenjës
5 Qershor 2021, 15:21
Kasapana e masakra mjedisore janë bere në Shqiperi. Kush u fut në burg? Bravo Italia, shtet jo llafe!
PërgjigjuPo tek ne qe eshte vjedhur rere pa fund, sa persona jane futur ne burg???
Përgjigju