Vjedhja e BSH, Avokati: Bitraj  
thjesht një i fiksuar pas bixhozit

Vjedhja e BSH, Avokati: Bitraj  <br />thjesht një i fiksuar pas bixhozit
TIRANË - Një periudhë e errët e cila s’do të përsëritet më, me këto fjalë duke folur për herë të parë i dyshuari kryesor për vjedhjen e 713 milionë lekëve nga thesari i bankës së Shqipërisë i ka kërkuar Gjykatës t’i jap mundësinë të rikthehet në shoqëri për të nisur jetën si një qytetar normal.

Shpresoja se nga juaj do të merret parasysh gjithashtu edhe jo vetëm ajo e shkuara ime ku kam qenë prezent në sistemin bankar që nga viti 1993 por gjithashtu edhe e ardhmja ime e cila më kërkon që të ri-pozicionohem në shoqëri dhe pranë familjes time dhe të gjitha vlerat që më takojnë të pozicionohem.”- tha Bitraj gjatë seancës gjyqësore.

Për avokatin mbrojtës të Bitrajt gjykata duhet të ndryshojë akuzën pasi nuk ka asnjë fakt që të provojë vjedhjen në bashkëpunim me Mimoza Bruzian e Klevis Bejtian.
Ndaj gjykata duhet t’i ndryshojë akuzon pasi Bitraj është thjesht një person i fiksuar pas bixhozit, u shpreh avokati.

Treshja e gjyqtarëve kryesuar nga Lazër Sokoli në seancën e kësaj të marte kish paralajmëruar shpalljen e vendimit, por pamundësia e avokatit mbrojtës të Mimoza Bruzia për të renditur konkluzionet u bë shkas që seanca të shtyhet për më 20 maj.

Ardian Bitraj e Mimoza Bruzia dy ish zyrtarët e bankës së Shqipërisë akuzohen se vodhën thesarin e bankës në bashkëpunim. Për këtë ngjarje prokuroria vuri nën akuzë për shpërdorim detyre 19 punonjës të Bankës mes tyre dhe ish drejtorin e emisionit të parave Dorian Çollakun.

Skandali i vjedhjes së bankës u pasua dhe me shkarkimin e guvernatorit Ardian Fullani, ndaj të cilit ka një hetim të hapur për shpërdorim detyre dhe abuzim me tenderat dhe paranë publike.
 
Redaksia Online
(a.h/shqiptarja.com)

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!