POP 5

Lajmet më të lexuara të 5 minutave të fundit

Kronikë

Vjedhja e energjisë,52 në pranga
mes tyre 3 punonjës të OSHEE!

Policia e Shtetit ka nisur sot aksionin në të gjithë vendin kundër vjedhësve të energjisë, ku në pranga kanë rënë 52 persona, mes të cilëve 3 punonjës të OSHEE dhe 49 sipërmarrës. Nga këto 21 persona të arrestuar janë në Tiranë. Drejtori i Policisë së Tiranës Ardian Çipa dhe Administratori i OSHEE-së Arben Seferi, theksuan se aksioni ka si synim vetëm bizneset. Në ditën e parë të aksionit, Ministri i Energjitikës, Damian Gjiknuri ka zbritur vetë në terren. Seferi: Do të vazhdojmë aksionin deri sa lidhja e fundit e vjedhjes së energjisë të jetë shkëputur. VIDEO
Aksion në gjithë vendin, fluks për të paguar faturat
Halimi: Policia bën arrestime pa pyetur për ligje
Gjykata “i fal” burgun me gjobë, në 10 muaj 15 të dënuar
PD: Terror policor, s'zgjidh problemin
Kukës, 50 persona dërgohen në gjykatë për vjedhjen e energjisë
Energjia, Rama: "Lazarat" i dytë ndaj hajdutëve, 150 mln € dëm
TIRANE - Pas ultimatumit të Kryeministrit Edi Rama për të gjithë vjedhësit e energjisë elektrike, Policia e Shtetit në bashkëpunim me Operatorin e Shpërndarjes së Energjisë Elektrike ka nisur sot aksionin në të gjithë vendin, ku në pranga kanë rënë 52 persona, mes të cilëve 3 punonjës të OSHEE dhe 49 shtetas që përfaqësojnë një biznes. Nga këto 21 persona të arrestuar janë në Tiranë.

Sipas policisë, gjatë ditës së sotme është ushtruar kontrolle në 283 raste. Pas kontrolleve të ushtruara  janë arrestuar në flagrancë 49 persona, kryesisht pronarë të subjekteve të biznesit, të cilët akuzohen për vjedhje të energjisë elektrike, ndërsa janë shpallur në kërkim 7 persona.

Në pranga kanë rënë edhe 3 punonjës të OSHEE, mes të cilëve 1 në Tiranë dhe 2 në Fier, të akuzuar shpërdorim detyre. Konkretisht është arrestuar nga Drejtoria e Policisë Tiranë një faturist dhe nga Drejtoria e Policisë Fier janë arrestuar 1 inxhinier dhe 1 elektricist.

Lidhur me aksionin, ministri i Brendshëm, Saimir Tahiri ka thirrur në një mbledhje urgjente 12 drejtorët e policisë në qarqe dhe 12 drejtorët e OSHEE-së, për të koordinuar aksionin kundër vjedhjes së energjisë elektrike. Në takim ka qenë i pranishëm edhe Ministri i Energjisë dhe Industrisë, Damian Gjiknuri.

Ndërkohë në një dalje për mediat, drejtori i policisë së Tiranës, Ardian Çipa tha se materialet e personave të arrestuar janë sekuestruar në cilësinë e provës materiale.

Nga ana e tij, Administratori i OSHEE-së Arben Seferi, theksoi faktin se operacioni është përqëndruar kryesisht në bizneset në rang vendi, dhe jo tek abonentët familjarë, ndërsa shtoi se ky aksion do të vijojë deri në ndërprerjen e fundit të lidhjes së paligjshme të energjisë elektrike. 

Më poshtë lista e plotë e arrestimeve në të gjitha Qarqet:

Tiranë - janë arrestuar në flagrancë 21 pronarë të bizneseve të ndryshme, të cilët janë konstatuar që kryenin vjedhje të energjisë, si dhe janë shpallur në kërkim 4 të tjerë pronar të subjekteve të biznesit.
Fier - janë arrestuar 5 persona, pronarë të subjekteve të biznesit
Lezhë - janë arrestuar 6 persona
Durrës - është arrestuar 1 person
Kukës - është arrestuar 1 person
Berat - është arrestuar 1 person
Korçë - është arrestuar 1 person
Elbasan - janë arrestuar 2 persona
Shkodër - janë arrestuar 3 persona
Dibër - është arrestuar 1 person
Vlorë - janë arrestuar 5 persona
Gjirokastër - janë arrestuar 2 persona




Gjiknuri në terren: Masa ndaj të gjithë vjedhësve të energjisë
Në ditën e parë të aksionit për vjedhësit e energjisë, Ministri i Energjitikës, Damian Gjiknuri ka zbritur vetë në terren. Ai së bashku me një grup të OSHEE ka ndjekur nga afër aksionin në autostradën Tiranë-Durrës, ku sipas raportit të kompanisë së shpërndarjes në këto zona sasia e energjisë që vidhet nga bizneset është e madhe.

Ministri i Energjitikës Gjiknuri ka deklaruar se do të merren masa për të gjithë ata që kanë abuzuar me lidhjet e jashtligjshme të energjisë elektrike. Ministri i Energjitikës paralajmëroi se asnjë abuzues nuk do të tolerohet dhe do të përballet me ligjin.

Prononcimi i Ministrit të Energjisë Damian Gjiknuri

“Njëkohësisht, jemi duke vepruar në pika të ndryshme të Tiranës. Ky operacion do të shtrihet në shkallë të gjerë në të gjithë Shqipërinë dhe ditë për ditë ju do të shikoni që do të kemi raste konkrete të ndëshkimeve të personave abuzues. Besoj, në fund të ditës do të keni dhe numrin e personave të ndaluar për ndërhyrje të paligjshme në rrjetin e energjisë elektrike. Edhe me ndryshimet që kemi bërë në Kodin Penal, synimi ynë primar ka qenë ai grup që e vjedh energjinë elektrike për qëllime fitimi. Patjetër, abuzimi është i shtrirë në shumë drejtime, ka edhe abonentë familjarë të cilët abuzojnë, por e kemi filluar nga bizneset, do të vazhdojmë edhe me qytetarët e tjerë. Kjo është betejë shumë e nevojshme, kërkojmë përkrahjen e qytetarëve të ndershëm, kërkojmë bashkëpunimin e tyre për të denoncuar çdo rast të vjedhësve të energjisë elektrike, qoftë në pallatet e tyre, qoftë në fshatrat e tyre, qoftë në biznese. Ky është mesazhi që ka vendosur të japë qeveria dhe ky aksion do të vazhdojë përditë dhe do të shikoni që do të ketë rezultate shumë konkrete.”, deklaroi ministri Gjiknuri gjatë këtij aksioni.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Kuvendi Rinor i Tiranës, Veliaj: Nuk ka forcë në botë që më ndalojë, të bëj fushatën më fuqishëm për fitoren e PS dhe Edi Ramës

Kuvendi Rinor i Tiranës, Veliaj: Nuk ka forcë në botë që më ndalojë, të bëj fushatën më fuqishëm për fitoren e PS dhe Edi Ramës

15 Janar, 20:57