Vjedhja e Thesarit,Prokuroria apelon
masën e sigurisë për 5 anëtarë

Vjedhja e Thesarit,Prokuroria apelon<br />masën e sigurisë për 5 anëtarë
TIRANE- Taska-forca e krimit ekonomik e cila po heton skandalin e Bankës së Shqipërisë kërkon rikthimin në burg të 5 anëtarëve të komisionit të inventarizimit të lënë me arrest shtëpie nga gjykatësja Fida Osmani pak ditë më parë në seancën për masën e sigurisë.
 
Apelimi i vendimit të dhënë ditën e diel më 31 gusht nga gjykatësja Osmani është bërë nga Prokuroria, dhe tashmë është depozituar në Gjykatën e Apelit.
 
Masat e sigurisë janë apeluar për Ilir Deden, Medi Markun, Medi Mollën, Fatbardha Gurthin dhe Emiljano Lamçen, për të cilët nga “arrest me burg” gjykata vendosi “arrest shtëpie” dhe “detyrim paraqitje”.
 
Në depozitimin e apelit, nga Prokuroria është përdorur argument se lënia e këtyre personave nën hetim me këto masa sigurie cënon rëndë hetimet që po kryhen prej dy muajsh në lidhje me vjedhjen e 713 milionë lekëve nga Banka e Shqipërisë.
 
Aktualisht nga 17 personat nën hetim, pas hekurave qëndrojnë 12 prej tyre, teksa 5 të tjerë kanë fituar lirinë me masën e “arrestit shtëpiak”.
 
Teksa pritet që të premten në Prokurorinë e Tiranës të paraqiten dhe dy nga anëtarët e Këshillit Mbikëqyrës të Bankës së Shqipërisë, e përkatësisht Ermelinda Meksi dhe Ela Golemi, të cilat do të pyeten nga prokurori i çështjes Ramadan Troci në lidhje me vjedhjen e Thesarit.
 
Një burim pranë Prokurorisë sqaroi për a1report se anëtarët e Këshillit Mbikqyrës do të pyeten në cilësinë e personit që ka dijeni, teksa deklarimet e tyre do të bashkëngjiten në dosjen hetimore nga ku më pas do të vendoset për arrestimet të cilat Prokuroria ka në planë të finalizojë brenda dyjavëshit të parë të shtatorit.

Redaksia Online
(e.s/shqiptarja.com)

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Gati për betejë djema

Gati për betejë djema