POP 5

Lajmet më të lexuara të 5 minutave të fundit

Kronikë

Brenda 2 muajve 15 grabitje, banorët e Vunoit të terrorizuar: Nuk dalim dot nga banesat

Vjedhja e banesave në fshatin Vuno është shndërruar në një problem serioz për banorët. Sipas tyre, kjo situatë ka ngjallur frikë kryesisht tek të moshuarit, të cilët nuk dalin nga banesat nga frika se mos u vjedhin shtëpinë.

Në kulmin e sezonit turistik, vjedhja e banesave në fshatin Vuno pranë Bashkisë së Himarës është shndërruar në një problem serioz për qytetarët. Teksa denoncojnë në "Report Tv" situatën, banorët bëjnë të ditur se brenda 2 muajve në Vuno janë vjedhur mbi 15 banesa.

Sipas banorëve, kjo situatë e cila ka dy muaj që vijon, ka ngjallur frikë tek ta duke bërë që të lënë gjithmonë dikë në banesë për ta ruajtur.

Këtu që nga 15 qershori janë vjedhur 15 shtëpi. Mua më kanë marrë para dhe orendi shtëpiake. Nuk kemi asnjë ndihmë. Jemi të frikësuar. E ruajmë gjithmonë shtëpinë. Gjithmonë rri një person në shtëpi që e ruan. Ndoshta në zonë ka më shumë vjedhje por nuk i denoncojmë. Nuk besojmë se ka zgjidhje.

Luan Andoni, Banor i zonës

Gazetari Limoz Didani për ‘Report Tv’ ka bërë se vjedhjet janë thuajse identike.

Hajdutët marrin para dhe sende me vlerë. Nuk ka asnjë autor të identifikuar. Rastet janë thuajse identike, bëhen kur nuk kanë njerëz në shtëpi. Merret çdo gjë me vlerë.

Dyshohet se autorët janë disa punëtorë që punojnë në qendër të fshatit. Dy muaj më parë nuk kishte asnjë vjedhje.

Limoz Didani, gazetar

Por banorët e zonës, shpesh herë nuk i njoftojnë grabitjet pasi nuk kanë besim tek zbardhje e këtyre ngjarjeve.

Nuk kam parë asnjë masë të marrë. Nuk ka pasur raste dhune sepse s'ka pasur njeri në shtëpi. Futen, vjedhin dhe ikin. Nuk vëmë dot gishtin për autorët. Frikë kemi por edhe policia s’ka ç’bën. Nuk do të ruajë çdo sokak.

Veno Andoni, Banor i zonës

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28