Ushtruesja e detyrës së presidentit të Kosovës, Vjosa Osmani ka njoftuar se është shëruar nga COVID-19 dhe është rikthyer në zyrën e saj në presidencë, për të vazhduar me angazhimet e saj.
“Kam bërë thirrje gjithnjë̈, e tani pas eksperiencës time dhe të familjes time me virusin, ju lutem serish që të bëni kujdes të shtuar e të vazhdueshëm. Tashmë virusi është̈ çdokund. Ne ishim me fat ta luftojmë̈ virusin me sukses, por, fatkeqësisht, ky nuk është̈ fati i të gjithëve”, ka shkruar në rrjetet sociale, Osmani.
Të martën pas një takimi të Komitetit për menaxhimin e situatës me pandeminë, kryeministri i Kosovës, Avdullah Hoti ka thënë se “situata me pandeminë në Kosovë është mjaft serioze, por nën kontroll”.
![]()
Ai ka paralajmëruar se masat aktuale do të mbesin në fuqi dhe se për festat e fundvitit do të ketë masa tjera për të parandaluar përhapjen e koronavirusit.
Rreth dy javë më parë Qeveria e Kosovës ka miratuar masat e reja për parandalimin e përhapjes së koronavirusit, duke kufizuar lëvizjen e lirë në disa komuna nga ora 19:00 e deri në 05:00 të mëngjesit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)