Vllaznia dhe Laçi ndajnë pikët mes tensionit, tjetër humbje që zhyt Flamurtarin

Vllaznia dhe Laçi kanë ndarë pikët në takimin e vlefshëm për javën e 19 të Superligës, pasi 90 minutat në Loro Boriçi janë mbyllur me shifrat e bardha 0-0.

Në Shkodër më kërkues ishin vendasit, por tentativat e tyre nuk u kthyen në asnjë rast në gol. Në këtë sfidë nuk mungoi as tensioni pasi disa tifozë vendas hodhën sende të palejuara në fushë, si shkak edhe i vendimeve të arbitrit. Kjo nuk është hera e parë që shkodranët kanë të tilla pretendime këtë sezon.

Ndërkohë sfida tjetër e luajtur ditën e sotme në Korçë mes Skënderbeut dhe Flamurtarit ka përfunduar me shifrat 1-0. Kjo ishte fitorja e dytë radhazi e ‘ujqërve’ pas asaj të martën kundër Partizanit, ndërsa vlonjatët vijojnë serinë e humbjeve, duke e komplikuar në maksimum mbijetesën.

Ne.k./Shqiptarja.com
  • Sondazhi i ditës:

    A ju duket i drejtë vendimi që pensionistët nuk mund të dalin më nga shtëpia deri në një urdhër të dytë?

Komento