POP 5

Lajmet më të lexuara të 5 minutave të fundit

Sport

Vllaznia 'likuidon' Kukësin për Europën, VAR-i tërbon verilindorët! Rënia e Skënderbeut, Gega akuza të forta: Arbitri Jorgji ordiner

Përballja e Europës mes Vllaznisë dhe Kukësit është fituar 2-1 nga shkodranët, por shkaktoi shumë zemërim te verilindorët. Sakaq Dinamo-Skënderbeu është mbyllur 1-1, por trajneri i korçarëve Skënder Gega ka bërë akuza të forta për arbitrin Enea Jorgji, duke përdorur edhe fjalë të rënda.

Kukësi ka marrë një tjetër goditje të fortë në luftën për një vend në Kupat e Europës, pasi verilindorët janë mposhtur 2-1 nga Vllaznia në përballjen direkte. Në ‘Loro Boriçi’ vendimtar ishte goli i Çobës në minutën e 96, që shkaktoi shumë zemërim te Kukësi, pasi pretendojnë për pozicion jashtë loje. Në fund kjo solli edhe braktisjen e konferencës, ndërsa te Vllaznia ishin të lumtur.

“Derisa jemi në vendin e tretë është fitore Europe. Gjithsesi duhet të mendojmë mirë për ndeshjet e radhës. Duhet të mos fluturojmë sepse nga vendi i tretë kalon prap në vendin e pestë,”-tha Elvis Plori, trajner i Vllaznisë.

“Nga mënyra sesi shkoi ndeshja mu kuajtuan emocionet e sezonit të kaluar kur në disa ndeshje shënuam në minutën e fundit,”-u shpreh Alban Xhaferri, president i Vllaznisë.

“Ishte goli i tretë që shihej nga VAR-i dhe shpresoja që të ishte i rregullt dhe jam shumë i kënaqur. Për ne çdo ndeshje është finale dhe shpresoj të shkojmë në Europë tani,"-deklaroi Mehdi Çoba, futbollist i Vllaznisë.

Sakaq Dinamo dhe Skënderbeu kanë ndarë pikët në javën e 33 pasi në Kamëz kanë barazuar 1-1. Në përfundim të ndeshjes trajneri i korçarëve Gega ka sulmuar ashpër arbitrin Jorgji, duke e quajtur ‘ordiner’ për shkak të gjykimit.

Ndërkohë sfida tjetër e së hënës mes Teutës dhe Egnatias është mbyllur 3-1 në favor të durrsakëve.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Ekskluzive në Esencë/ Gardiani ‘besnik’ i Ramiz Alisë: Çfarë më thoshte në burg për Berishën, Hajdarin dhe Metën

Ekskluzive në Esencë/ Gardiani ‘besnik’ i Ramiz Alisë: Çfarë më thoshte në burg për Berishën, Hajdarin dhe Metën

24 Janar, 21:37 nga Eljan Tanini