Vllaznia skuadra më aktive në merkato, tjetër 'bomber' tre ditë para rifillimit të kampionatit

Merkato deri më tani në kategorinë Superiore ka qenë e varfër, por padyshim që klubi më aktiv ka rezultuar Vllaznia, e cila ka bërë tre afrime dhe dy largime. Shkodranët të cilët fazën përgatitore të dimrit e kryen në Ohër shpresojnë që me lëvizjet në skuadër të arrijnë objektivin që është përfaqësimi në Kupat e Europës.

Konkretisht me kërkesë të stafit fillimisht skuadrës i është bashkuar mbrojtësi Mevlan Adili, i cili vjen nga Maqedonia e Veriut ku ka luajtur me skuadra si Struga dhe Shkëndija e Tetovës. Më pas me skuadrën është bashkuar sulmuesi maqedonas Simeon Hristov, ndërsa sot shkodranët kanë zyrtarizuar edhe afrimin e një tjetër bomber si Eugen Sidorenco, i cili është pjesë e kombëtares moldave.

Ndërkohë përsa i përket largimeve Vllaznia ka lehtësuar organikën me ikjen e Ristevsikt dhe Samet Ruqit. Lidhur me fazën përgatitore paraqitjet e ekipit kanë dhënë optimizëm. Ekipi i drejtuar nga Jonuz ka zhvilluar tre ndeshje miqësore, teksa fillimisht ka fituar 1-0 me Pogradecin dhe më pas 2-0 me Strugën, ndërsa ndeshjen e fundit me Bylisin ka barazuar pa gola.

Në javën e fundit para se t’u ndërpriste kampionatin Vllaznia u mposht 1-0 nga Partizani, duke bërë që të renditet në vendin e shtatë me 23 pikë, 2 më shumë se Skënderbeu që është i teti dhe që luan ‘play-off’ në rast se kampionati përfundonte këtu. Ndërkohë ndeshja e parë zyrtare për shkodranët në 2020 do të jetë të martën kundër Flamurtarit, e vlefshme për javën e 18 të Superligës.

Duke parë kundërshtarin, që renditet në vendin e fundit, por edhe problemet e shumta që po kalon jashtë fushe, Vlora është një mundësi shumë e mirë për shkodranët për të nisur mbarë 2020.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet