Vlorë, kapet duke shitur drogë, i
dënuari me 7 vite për pengmarrje

VLORË - Arrestohet me një sasi prej 200 gr lëndë narkotike e llojit canabis sativa i dënuari me 7 vite burg, Vullnet Aliraj, 32 vjeç. Droga është sekuestuar nga policia e Vlorës gjatë aksionit për arrestimin të të kërkuarit prej vitesh.

Aliraj, banues në fshatin Llakatund të Vlorës ishte shpallur në kërkim prej vitesh pasi ishte dënuar me shtatë vite burg nga gjykata e Gjirokastres për “heqje të paligjshme të lirisë".
 
Policia ka bërë të ditur se, 32-vjeçari u arrestua në banesën e tij, ndërsa pas kontrolleve të policisë në ambientet e shtëpisë u gjet edhe sasia e lëndës narkotike, e cila ishte ndarë në 400 pako të vogla gati për tu shpërndare tek përdoruesit.
 
Redaksia online
(ac/shqiptarja.com)