POP 5

Lajmet më të lexuara të 5 minutave të fundit

Arkiva

Vlorë- 100 subjekte të reja regjistrohen çdo ditë pranë QKR

VLORE, 11 shtator/ATSH-Harilla Koçi/.- Rreth 100 subjekte të reja regjistrohen mesatarisht çdo ditë pranë Qendrës Kombëtare të Rregjistrimit në Bashkinë e Vlorës. Burime zyrtare pranë QKR bënë të ditur për ATSH-në se, po punohet me mjaft intensitet dhe me orar të zgjatur për të përballuar fluksin e kërkesave të qytetarëve, të cilët kanë krijuar rradhë. […]
/ATSH-Harilla Koçi/.- Rreth 100 subjekte të reja regjistrohen mesatarisht çdo ditë pranë Qendrës Kombëtare të Rregjistrimit në Bashkinë e Vlorës.
Burime zyrtare pranë QKR bënë të ditur për ATSH-në se, po punohet me mjaft intensitet dhe me orar të zgjatur për të përballuar fluksin e kërkesave të qytetarëve, të cilët kanë krijuar rradhë. Prej mëngjesit e deri në orët e mbrëmjes, sportelet e QKR janë të hapura, por pavarësisht kësaj, është mjaft e vështirë për të përballuar volumin e punës që vazhdon të jetë i lartë.
Ky tregues është rrjedhojë e aksionit kombëtar të paralajmëruar që tashmë ka nisur në të gjithë vendin dhe që ka si synim parandalimin e evazionit fiskal dhe formalizimin e ekonomisë.
Aksioni, që ka nisur edhe në rajonin e Vlorës, është shtrirë në të gjithë territorin që mbulon Drejtoria Rajonale e Tatim Taksave, nga derdhja e lumit Vjosë, në fshatin Qeparo, ku, aktualisht operojnë më shumë se 6200 subjekte të regjistruara deri tani në sistem.
Ndërkohë, fluksi i rregjistrimeve pranë QKR në bashkinë e Vlorës, shënoi një rritje të ndjeshme 8 javë më parë, menjëherë pas aksionit që Drejtoria e Përgjithshme e Tatimeve ndërmori në muajin korrik, në bashkëpunim me Drejtorinë e Policisë së Qarkut. Gjatë kësaj periudhe janë regjistruar më shumë se 1600 subjekte të reja, që përbën edhe një shifër rekord në këtë fushë.
Drejtoresha e Drejtorisë Rajonale të Tatimeve, Pranvera Resulaj, tha për ATSH-në se, ky numër reflekton punën që po bëhet nga strukturat tatimore dhe forcimin e kontrolleve për të parandaluar evazionin fiskal dhe formalizimin e ekonomisë. Përfshirja e këtyre subjekteve në skemën e tatim paguesve, parashikohet të shoqërohet me rritje të të ardhurave, të cilat praktikisht nuk vileshin më parë, pavarësisht se këto biznese ushtronin aktivitetin e tyre në qytet dhe zonat rurale.
Aksioni i muajit korrik, që kishte si synim parandalimin e evazionit fiskal, u shtri në një gjeografi të gjerë të aktiviteteve të biznesit në qytet. Ai u shoqërua me kontrolle në subjekte të ndryshme me qëllim ndëshkimin e veprave penale në fushën e tatim-taksave, fshehjen e të ardhurave, punësimin e paligjshëm, informalitetin dhe evazionin fiskal dhe gjatë tij u bënë objekt i kontrolleve 512 subjekte fizike e juridike, prej të cilave 198 rezultuan me shkelje të ndryshme, çka u shoqërua edhe me masat përkatëse që parashikohen në ligj.
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Speciale/ Burrat e Hasit sfidojnë gratë! Gatuajnë flinë 2 metra

12 Janar, 10:41 nga Benet Beqiri