Dy persona kanë rënë në prangat e policisë në Vlorë, për dy vepra penale të ndryshm.

Oriol Zenela, banues në Vlorë është arrestuar në flagrancë nga policia dhe i janë sekuestruar 6 bimë narkotike Cannabis Sattiva.

Pas një kontrolli të ushtruar në oborrin e banesës së tij, policia ka konstatuar dhe sekuestruar 6 bimë narkotike e mbjellur në një sipërfaqe prej 10 m2.

Menjëherë pas sekuestrimit 30 vjeçari është arrestuar nga policia dhe materialet procedurale në lidhje me çështjen e tij i kaluan Prokurorisë së Rrethit Gjyqësor në Vlorë ku mbi të rëndon vepra penale “Kultivim i bimëve narkotike.
 
 Nesti Beqiri, 34 vjeçari nga Vlora është arrestuar në flagrancë te zona e “Plazhit të vjetër”, pasi i ka vjedhur një çantë me 1000 euro dhe një celular “Samsung”, qytetarit G.R., 30 vjeç, banues në Vlorë.

Materialet u referuan në Prokurorinë e Rrethit Gjyqësor Vlorë ndaj ti për veprën penale ''Vjedhja".

Redaksia Online
E.S / shqiptarja.com