Një makinë është djegur gjatë orëve të para të mëngjesit të sotëm në qytetin bregdetar të Vlorës.

Mësohet se  në momentin e zjarrit, automjeti ka qenë i parkuar në zonën e skelës, ku fatmirësisht nga flakët nuk ka pasur lëndime në njerëz por vetëm dëme materiale.

Si pasojë e zjarrit është djegur plotësisht pjesa e përparme e mjetit.

Burime zyrtare nga policia e Vlorës bëjnë me dije se bëhet fjalë për një zjarrvënie të qëllimshme.

Automjeti është një Audi “Q 7” me targë “AA494 AX”, mësohet se i përket biznesmenit Arben Rrokaj, i cili është pronar i një shoqërie autobusash.

digjet q7 ne vlore
(Fotografi e makinës të djegur gjatë orëve të para të mëngjesit në Vlorë)

Njoftimi i policisë:
Më datë 17.08.2017 rreth orës 02:55 Salla Operative njoftohet nga një telefonatë se në lagjen ''Uji i Ftohtë'', ka marrë flakë një automjet.

Policia ka shkuar në vendngjarje dhe nga verifikimi paraprak i kryer prej tyre ka rezultuar se ka qënë duke u djegur mjeti tip ''Audi'', në pronësi të shtetasit A.Rr.,(pronar i një shoqërie autobuzash).

Mjeti ka qënë i parkuar, dhe është djegur në pjesën e përparme të motorrit.

Nga hetimet e policisë rezulton se mjetit i është shkakëtuar zjarrvënie e qëllimshme nga persona ende të paidentifikuar.

Grupi hetimor po vazhdon hetimet për zbardhjen e plotë të rrethanave të ngjarjes si edhe për zbulimin /identifikimin dhe kapjen e autorëve.


Redaksia Online
D.T/Shqiptarja.com