Policia e Vlorës bën me dije se ka bërë arrestimin e shtetasit Refik Rrapaj, i cili gjatë ditës së djeshme është përfshirë në një aksident.

Bëhet me dije se 21-vjeçari Refik Rrapaj, banues në qytetin e Vlorës, gjatë ditës së djeshme duke drejtuar një motorin tip “Lifan”, ka humbur kontrollin e mjetit dhe si pasojë ka goditur shtetasin me iniciale F.V, 21 vjeç, i cili ishte duke udhëtar me biçikletë.

Raportohet se shtetasi i dëmtuar F.V, ka marrë ndihmën e nevojshme mjekësore dhe është jashtë rrezikut për jetën.

Materialet për këtë rast janë referuar në Prokurori për veprën penale “Shkelja e rregullave të qarkullimit rrugore”.

Njoftimi i policisë:
Policia ka arrestuar në flagrancë shtetasin:

-  Refik Rrapaj, 21 vjeç, banues në Vlorë.

Policia e Vlorës, më datë 29.06.2017, ka bërë të mundur arrestimin e tij në flagrancë pasi ky shtetas duke drejtuar mjetin motor tip "Lifan", ka humbur kontrollin dhe për pasojë ka goditur shtetasin F.V, 21 vjeç, banues në Vlorë, i cili udhëtonte me biçikletë.

Shtetasi i dëmtuar F.V., ka marrë ndihmën e duhur mjekësore dhe është jashtë rrezikut për jetën.

Materialet u referuan në Prokurori për veprën penale "Shkelja e rregullave të qarkullimit rrugor", parashikuar nga neni 290 i Kodit Penal.

(D.T/Shqiptarja.com)