VLORE-  Një i vrarë dhe një i plagosur është bilanci i një konflikti në zonën e Karaburunit, mes një bariu dhe dy banorëve, njëri nga fshati Dukat, i Vlorës. Ngjarja ndodhi mbrëmjen e djeshme (14 gusht).

Sipas policisë autori është Xhezar Hysa,  45 vjeç nga fshati Mollas i rrethit Elbasan, i cili ishte punësuar si bari te Shedat Vangjeli, 62 vjeç,  banor i fshatit Dukat të Vlorës.

Autori ka qëlluar me armë zjarri  tip çifte të zotin, duke plagosur dhe baxhanakun e tij, Bexhet Bodaj
 
Sipas policisë autori vuan nga crregullime mendore.

Burime nga policia e Vlorës pohuan, se konflikti ka ndodhur pas një sherri në mal, por ende nuk dinë detaje, pasi autori ende nuk është kapur, ndërsa i plagosuri, ndodhet në gjëndje të rëndë në spital.
 
Dhjetra forca policie janë nisur në kërkim të bariut, i identifikuar si Xhezar Hysa,  45 vjeç  banor i fshatit Mollas të rrethit Elbasan, por për shkak të terrenin, autori ende nuk është prangosur.

Policia dyshon, se për shkak të shumë viteve punë në atë zonë, bariu e njeh terrenin, dhe  mund të jetë fshehur mirë.

NJOFTIMI I POLICISE  
Ne daten 14.08.2013 rreth ores 22.00 ne gadishullin e Kraburunit Vlore eshte vrare me arme gjahu shtetasi Shedat Vangjeli, vjec 62, banore i fshatit Dukat Vlore si dhe eshte plagosur lehte shtetasi Bexhet Bodaj vjec 59, te cilet ishin barinj ne kete zone.

Nga hetimet e deri tanishme ka rezultuar se autori i dyshuar i kesaj ngjarje eshte shtetasi Xhezar Hysa, vjec 45, banore i fshatit Mollas te rrethit Elbasan, i punesuar si bari tek viktima i cili sipas te dhenave te deri tanishme vuan nga crregullime mendore.

Po punohet per dokumentimin e plote te rrethanave te ndodhjes se kesaj ngjarje si per kapjen e autorit.”

Redaksia online
(sg/shqiptarja.com)