Vlorë,kapet skafi me 760 kg drogë
në pranga 2 italianë e një shqiptarFOTO/Skafi i ndaluar nga policia

Një skaf i ngarkuar me 760 kg lëndë narkotike Cannabis Sativa, është kapur sot nga policia shqiptare në bashkëpunim me Guardia di Finanza. 

Si rezultat i një operacioni të përbashkët ndërmjet shërbimeve të Policisë Kufitare dhe Guardia di Finanza, rreth orës 16:30 të kësaj të premte, 23 milje larg Karaburunit në det të hapur, është bërë e mundur kapja e mjetit lundrues i cili kishte për destinacion Italinë. 

Sipas policisë, në motoskaf gjendeshin dy shtetas Italianë dhe një shqiptar, të cilët për t'i shpëtuar ndjekjes së Policisë e hodhën lëndën narkotike në det. 

Të arrestuarit, si posedues të lëndës narkotike, janë F.O. 48 vjeç, Brindisi; D. L. 59 vjeç, Brindisi dhe A.Q, 32 vjeç Vlorë. 

Lënda narkotike ishte e ndarë në 43 pako të mëdha dhe pas peshimit ka rezultuar se në skaf ishin 760 kg lëndë narkotike e llojit Cannabis Sativa.

[gallery]20793[/gallery]

Redaksia Online
l.q/Shqiptarja.com