Rreth 5 persona, pronarë biznesesh janë kallëzuar në polici pasi kanë manipuluar me matësat e energjisë elektrike.

Gjatë mbrëmjes së djeshme grupi Task Forcë OSHEE Vlorë, zbuloi 5 raste të ndërhyrjes në sistemin e matjes, nga subjekte private.

Abonentët privatë, me inicialet K.L, R.H, B.M, I.L dhe S.G ishin kryesisht pronarë bar-restorantesh dhe nga kontrolli rezultoi se kishin cenuar matësin.

Drejtori i OSHEE Vlorë, Erjon Osmanaj thotë se aksioni po shtrihet në çdo anë, dhe nis nga Zvërneci deri në Dhërmi.
 
Osmanaj thotë se kontrollet do të vijojnë deri në shtator, ditë-natë, deri në vendosjen e plotë të respektimit të ligjit nga të gjithë.

Redaksia Online
e.m/Shqiptarja.com