POP 5

Lajmet më të lexuara të 5 minutave të fundit

Arkiva

Vlorë- Ndërtimet pa leje, IKMT liron hapësirat publike

Vlorë, 12 shkurt/ATSH-Harilla Koçi/.- Inspektoriati Kombëtar për Mbrojtjen e Territorit ka ndërmarrë prej disa ditësh një aksion për prishjen e ndërtimeve pa leje dhe lirimin e hapësirave publike të zaptuara prej tyre në qytetin e Vlorës. Aksioni është fokusuar në pothuajse të gjithë territorin e këtij qyteti, ku prej më shumë se 20 vjetësh janë […]
/ATSH-Harilla Koçi/.- Inspektoriati Kombëtar për Mbrojtjen e Territorit ka ndërmarrë prej disa ditësh një aksion për prishjen e ndërtimeve pa leje dhe lirimin e hapësirave publike të zaptuara prej tyre në qytetin e Vlorës.

Aksioni është fokusuar në pothuajse të gjithë territorin e këtij qyteti, ku prej më shumë se 20 vjetësh janë ndërtuar ngrehina të dimensioneve të ndryshme, të cilat kanë ngushtuar hapësirat e përbashkëta.

Një vend kryesor në këtë aksion zë bulevardi Vlorë-Skelë, ku tashmë janë rrëzuar të gjitha shtesat që zinin trotuaret dhe që shfrytëzoheshin për mjedise shërbimi e tregtie. Aktualisht, janë më shumë se 150 objekte të shembura gjatë këtyre ditëve, ndërkohë që aksioni vazhdon. Gjithçka po zhvillohet me mjaft qetësi dhe në pjesën më të madhe, janë qytetarët që realizojnë prishjet, çka ka lehtësuar mjaft veprimet e strukturave dhe të mjeteve të IKMT.

Mësohet se në total numri i objekteve që pritet të rrëzohen është rreth 700. Ky aksion pason atë që u realizua një vit më parë për prishjen e ndërtimeve pa leje përgjatë vijës bregdetare nga Skela në Ujin e Ftohtë, ku tashmë ka nisur të zbatohet projekti i ndërtimit të Shetitores, investimi më i madh në qytetin e Vlorës në vite.
Në ditët në vijim pritet të ndërhyhet edhe në zonën e Lagjes "Kushtrimi" në hyrjen veriore të Vlorës, ku do të prishen rreth 130 banesa dhe ku është planifikuar të zbatohet projekti i segmentit rrugor që lidh autostradën Levan-Vlorë me segmentin "Transballkanikja"
 

/Shqiptarja.com
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

U ekstradua nga Turqia, nis në GJKKO seanca ndaj Dritan Rexhepit! Akuzohet për rrëmbimin dhe zhdukjen e Jan Prengës

24 Janar, 14:01