Tre persona janë arrestuar sot në Radhimë të Vlorës pasi në bashkëpunim me njëri-tjetrin kanë tentuar të vjedhin me armë zjarri menaxherin e një lokali.

Por sipas uniformave të policisë një prej autorëve gjatë përleshjes ka mbetur i plagosur në këmbë.
 
Të arrestuarit janë:
Besjan Hibraj, 24 vjeç, banues në Vlorë

Klajdi Spahaj, 26 vjeç, banues në Vlorë

Domeniko Spahaj, 21 vjeç, banues në Vlorë
 
Këta persona një ditë më parë  më datë 23.10.2016, rreth orës 19:00 në bashkëpunim me njëri-tjetrin si dhe me persona të tjerë (ende të paidentifikuar) kanë tentuar të vjedhin me armë zjarri menaxherin e lokalit "Olympia" Radhimë, me iniciale A.B., 26 vjeç, banues në Radhimë.

 I plagosur në këmbë një prej autorëve,  Klajdi Spahaj, i cili ndodhet në kushtet e arrestit në Spitalin Rajonal të Vlorës, ndodhet në gjendje shëndetësore jashtë rrezikut për jetën.
 
Po punohet për dokumentimin e plotë të ngjarjes, identifikimin e autorëve të tjerë dhe kapjen e tyre.

Redaksia Online 
(M.Ç/shqiptarja.com)