POP 5

Lajmet më të lexuara të 5 minutave të fundit

Kultura

Vlorë/ Përmbytjet nuk kursyen monumentin e kulturës! Xhamia e Plumbit mbyllet për besimtarët, do t’i nënshtrohet restaurimit

Xhamia e Plumbit në Vlorë, monument kulture i kategorisë së parë do t’i nënshtrohet restaurimit të plotë. Myftiu i Vlorës tha se godina 500-vjecare prej vitesh kishte pësuar dëme si në kupolë ashtu dhe në mure, por gjendja u përkeqësua nga përmbytjet e 4 tetorit. Projekti do hartohet nga Instituti i Monumenteve ndërsa financimi nga Agjencia Turke për Bashkëpunim dhe Koordinim (TIKA).

Xhamia e Plumbit është e mbyllur prej 4 tetorit, namazi falet në xhaminë Neshat Pashaj. Monument kulture i kategorisë së parë xhamia, do të qëndrojë e mbyllur për një kohë të gjatë, pasi do t'i nënshtrohet restaurimit të plotë. Objekti 500-vjeçar kishte pësuar dëmtime gjatë viteve, të cilat u thelluan nga përmbytjet e 4 tetorit. Siç shihet në pamjet e Report TV, kanë rënë pjesë të suvasë, janë shkatërruar muret, kupola dhe dyshemeja.

“Siç u përmbyt gjithë Vlora u përmbyt dhe xhamia. Uji hyri brenda bëri dëmtime të mëdha. Pamë pastaj dhe dëme të tjera ndaj vendosem ta mbyllim sepse përbën rrezik për besimtarët. Jemi në koordinim me Ministrinë e Kulturës për rikonstruksion të plotë të godinës dhe ambientit përreth”, tha për Report TV, Myftiu i Vlorës, Ardit Hoxhllaku.

Komuniteti Mysliman në bashkëpunim me Institutin e Monumenteve do të hartojnë projektin, ndërsa financimin e presin nga Agjencia Turke për Bashkëpunim dhe Koordinim (TIKA).

“Sot dhe nesër pres dy grupe ekspertësh për evidentimin e dëmeve. Verfimet bëhen si komuniteti dhe specialistët e monumenteve, ndërsa investimi nga TIKA e Turqisë. Duhet një punë e vëmendshme sepse bëhet fjalë për ringjalljen e një ndërtese 500-vjeçare”, tha Myftiu.

Xhamia e Muradies ose siç njihet ndryshe Xhamia e Plumbit është ndërtuar në vitin 1542 nga arkitekti i famshëm Osman Mimar Sinani gjatë sundimit te Sulltan Sulejmanit. Struktura përbehet nga ndertesa kryesore dhe minarja.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigranti: 05/11/2024 19:37

    Na çat menderen me këto xhamitë...xhami këtu xhami atje....

    Përgjigju
  • xXx: 05/11/2024 17:24

    Po keta te paaftet e bashkise do paguajne ndonje dem?

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

SHBA/ Kamala falenderon vullnetarët! Beyonce krah saj thirrje ta votojnë

SHBA/ Kamala falenderon vullnetarët! Beyonce krah saj thirrje ta votojnë

5 Nëntor, 21:51