Rreth 22 kg kanabis janë sekuestruar në qytetin e Vlorës.

Në vijim të punës për parandalimin dhe goditjen e rasteve të shitjes dhe trafikimit të lëndëve narkotike, Policia e Vlorës ka goditur dy raste të prodhimit dhe shitjes së kanabisit.

Policia ka sekuestruar në qytetin e Vlorës 15 kg lëndë narkotike, kanabis sativa dhe në Pikën e Kalimit Kufitar Port në Vlorë, 7 kg e 30 gramë kanabis.

Në lidhje me këto dy raste është shpallur në kërkim një person i cili dyshohet si poseduesi i lëndës narkotike.

Gjithashtu policia gjatë një kontrolli që ka ushtruar në një banesë të pabanuar në pronësinë e një 49 vjeçari banues në Kuçovë konstatoi dhe sekuestroi 15 kg kanabis.

Lidhur me këtë rast policia bën me dije se po punon për zbulimin dhe kapjen e autorit, të cilit i përket kjo sasi lënde narkotike.
 
Materialet u referuan në Prokurori për veprën penale Prodhimi dhe shitja e narkotikëve.

[gallery]23526[/gallery]
Redaksia Online
E.S/ shqiptarja.com