VLORE- Rreth 3 kilogramë marijuanë janë sekuestuar mëngjesin e sotëm në portin e Vlorës. Sekuestrimi i lëndës narkotike e cila kishte si destinacion Italinë, është bërë i mundur gjatë një kontrolli të ushtruar në mjetin tip “Opel” me targa italiane CR 227 MB.
 
Sipas policisë, droga e llojit marijuanë, ishte e ndarë në 6 pako.
 
Policia ka sekuestuar lëndën narkotike, ndërsa nuk dihet ende nëse është ndaluar apo jo drejtuesi i mjetit, apo nëse ka persona të tjerë të përfshirë në trafikimin e marijuanës.
 
Ndërkaq, materialet i kanë kaluar prokurorisë së rrethit për hetime të mëtejshme.

Redaksia Online
(e.s/shqiptarja.com)