POP 5

Lajmet më të lexuara të 5 minutave të fundit

Kronikë

Vlorë/ Sherr për tokën në plazh, 42-vjeçari qëllon 3 herë me armë drejt një personi, shpallet në kërkim

Të shtëna me armë zjarri janë raportuar këtë mesditë në plazhin e Zvërnecit në Vlorë. Burime për Report Tv bëjnë me dije se është qëlluar tre herë në drejtim të një personi. Ndërkaq, është bërë shpallja në kërkim e autorit të ngjarjes nga forcat e Policisë. Personi që ka shtënë është identifikuar si Luçio Rroko, 42 vjeç.

VLORË- Të shtëna me armë zjarri janë raportuar këtë mesditë në plazhin e Zvërnecit në Vlorë. Burime për Report Tv bëjnë me dije se është qëlluar tre herë në drejtim të një personi. Ndërkaq, është bërë shpallja në kërkim e autorit të ngjarjes nga forcat e Policisë. Personi që ka shtënë është identifikuar si Luçio Rroko, 42 vjeç.

Mësohet se ngjarja ka ndodhur për një konflikt të çastit, ku 42-vjeçari është konfliktuar me një familje për një sipërfaqe në plazh. Ky konflikt ka agravuar deri në atë pikë sa 42-vjeçari ka shtënë 3 herë në drejtim të një personi me të cilin u zhvillua edhe konflikti.

Pas të shtënave me armë zjarri, Luçio Rroko është larguar me shpejtësi me një motor në drejtim të Pyllit të Sodës. Pas kontollit që është ushtruar në zonë, policia ka gjetur tre gëzhoja plumbi dhe ka dalë në përfundimin se Rroko ka qëlluar me pistoletë 9 mm. Por, pistoletë nuk është gjetur në vendin e ngjarjes.

Fatmirësisht asnjë person nuk ka mbetur i plagosur, por kjo ngjarje ka shkaktuar shumë panik tek pushuesit e zonës. Kanë qenë pushuesit të cilët kanë raportuar në Polici për të shtënat me armë. Policia po punon për arrestimin e autorit ndërsa po merret në pyetje edhe pala tjetër që u përfshi në konflikt.

1626949473_VLORA3.jpg

Shenjat e plumbave

1626950788_Screenshot1.jpg

Policia 

 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • origjinal: 22/07/2021 17:34

    ky rroko lucio esht den baba den shqiptar e nga zverneci dhe prandaj ka mar guxim qe ka qelluar se origjinalet nuk durojne shum....druuuu me preeee

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Ankara, nis takimi mes Erdoganit dhe liderit të Hamasit, Haniyeh

Ankara, nis takimi mes Erdoganit dhe liderit të Hamasit, Haniyeh

20 Prill, 14:29