Presidenti i Republikës Ilir Meta ka postuar një video në “Facebook”, nga deklarata e tij e bërë ditën e sotme nga presidencë, ku vijon të sfidojë kryeministrin Edi Rama për Vlorën.

Meta shprehet se Vlorën e ka në zemër dhe do ta ketë, si çdo shqiptar i ndershëm, kurse të tjerë, referuar këtu Ramës, ai tha se e do për ta futur në xhep.

“Unë Vlorën e kam në zemër dhe do ta kem në zemër, siç e ka çdo shqiptar i ndershëm.“Zotërinjtë” e tjerë e duan Vlorën për ta futur në xhepin e tyre, ngaqë u janë fryrë xhepat shumë dhe u duket Vlora e vogël”, thotë Meta.

Nga presidenca Meta sulmoi ashpër kryeministrin Edi Rama për keqmenaxhim të pandemisë, mungesë transparencë për vaksinat, bashkëpunim me oligarkët dhe se po merr llumin e LSI, duke i shitur si ajka të PS-së. Kreu i shtetit, kujtoi 2 marsin dhe tha se mund të thërrasë sërish popullin në manifestim, teksa nuk i kurseu kërcënimet nëse do të preket vota më 25 prill.