POP 5

Lajmet më të lexuara të 5 minutave të fundit

Kronikë

Vodhi 400 milionë lekë, bankieri
ikën nga Rinasi, policia e kërkon

Një punonjës banke është shpallur në kërkim policor, pasi ka rezultuar se ka vjedhur 400 milion lekë të vjetra dhe më pas është larguar jashtë shtetit.
Vodhi 400 milionë lekë, bankieri<br />ikën nga Rinasi, policia e kërkon
TIRANE- Një punonjës banke është shpallur në kërkim policor, pasi ka rezultuar se ka vjedhur 400 milion lekë të vjetra dhe më pas është larguar jashtë shtetit. Emri i punonjësit të bankës nuk bëhet i ditur nga burime pranë policisë dhe prokurorisë së Tiranës, për shkak se prej një jave bankieri ndodhet në kërkim dhe ende nuk ka rënë në prangat e policisë së kryeqytetit.

Hetimi për këtë çështje është zhvilluar nga njësia hetimore Task-Forcë, pranë prokurorisë së Tiranës e cila është vënë në lëvizje nga një kallëzim i një banke të nivelit të dytë që vepron në Shqipëri. Sipas prokurorëve që kanë drejtuar hetimin, bankieri ka arritur në kohë të ndryshme të zhdukë nga arka e bankës ku punonte shumën prej 400 milion lekë të vjetra. Mungesa e kësaj shume financiare është konstatuar fillimisht nga klientët e bankës, të cilët kanë shfaqur ankesa dhe më pas si pasojë e një auditi të brendshëm është konstatuar se nga arka ishin tërhequr në mënyrë të padrejtë plot 400 milion lekë të vjetra.

Në të gjitha tërheqjet kamerat e sigurisë dhe vetë dëshmitë e punonjësve të tjerë, kanë treguar se janë kryer nga bankieri, tashmë i shpallur në kërkim, emri i të cilit ende nuk bëhet i ditur. Teksa është vënë në dijeni për fillimin e hetimeve nga prokuroria e Tiranës, bankieri ka mundur të fshihet dhe të largohet nga Shqipëria. Një fakt i tillë është zbuluar nga policia e Tiranës, e cila pasi ka marrë nga prokuroria vendimin gjyqësor që caktonte masën e arrestit në burg për bankierin, nga verifikimi në TIMS rezultoi se ai ishte larguar disa javë më parë nga aeroporti ndërkombëtar i RINAS-it.

Pavarësisht kësaj policia ka ushtruar kontroll në banesën e tij në Tiranë, por nuk është siguruar asnjë provë që e implikon atë me veprën penale që ka ngritur prokuroria. Sipas burimeve të kësaj të fundit, bankieri pjesën më të madhe të parave e ka luajtur në kazino dhe lloto sportive. Pritet që pas disa verifikimeve të mëtejshme në bankën ku është kryer vjedhja e parave, të qartësohet dhe pozicioni i disa prej punonjësve të tjerë të bankës, emri i të cilës nuk bëhet i ditur.

Shkrimi u botua në Shqiptarja.com (print) në 8 qershor 2014

Redaksia Online
(d.a/shqiptarja.com)  
 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24