DURRËS - Vjedhja e sendeve në kabinat e 5 kamionëve që ndodheshin në tragetin e linjës Bari-Durrës pak kohë më parë tashmë është zbardhur. Policia e Qakut Durrësit, ka bërë të mundur arrestimin e shtetasit Marjus Ardian Jorgo 20 vjeç, banues ne Durres si autorë të kësaj vjedhje.

Jargo ka kryer vjedhjen e disa sendeve personale në kabinën e kamionëve si: 6 telefona celularë, 2 orë dore marka “Cartier”, 500 Euro, 26000 lekë, si dhe 4 steka cigare. Sipas burimeve të policisë 20 vjeçari ka qëndruar për një kohë të gjatë në vendin e qëndrimit të kamionëve e më pas ka thyer kabinat e tyre për të kryer vjedhjen.
 
Vjedhja është kuptuar kur trageti po ankorohej në port, dhe drejtuesit e kamionëve kanë shkuar për të nxjerrë mjetet e tyre dhe aty kanë konstatuar hapjen dhe vjedhjen e kryer në kabinat e mjeteve. Pas këtij konstatimi ata kanë kryer menjëherë denoncimet përkatëse dhe pas hetimeve nga Komisariatit i Policise së Durrësit u bë i mundur arrestimi i aurorit.
 
Kamionet e konstatuar te hapur dhe vjedhur jane si me poshte:
1.Skania trailer me targë SK095RM me drejtues shtetasin Z.R 54 vjeç,  banues në Shkup, Maqedoni.

2.Benz Traler me targa SK5618AG me drejtues shtetasin R.R 41 vjeç, banuese në Haraçin Maqedoni.

3.Skania traler me targa EL4340C me drejtues shtetasin Sh.S 45 vjeç, banues në Elbasan.

4.Iveko traler me targa DR0870C me drejtues shtetasin B.Sh 43 vjeç, banues në Elbasan.

5.Skania me targa AA842CD me drejtues shtetasin S.P 46 vjeç, banues në Durrës.

Redaksia Online
(o.b/ Shqiptarja.com)