Vokshi: Ne gratë jemi viktimat më të mëdha të Edi Ramës, do sjellim fitoren e Bashës si kryeministër

Në javën e grave, kryetarja e Lidhjes Demokratike të Gruas, Albana Vokshi, u ka bërë thirrje grave dhe vajzave t’i bashkohen në 25 Prill për të sjellë kreun e PD Lulzim Basha në karrigen e kryeministrit.

“Gruaja, është viktima më e madhe e keqqeverisjes së Edi Ramës. Gruaja sot është e papaunë, është e braktisur, është e shpërfillur, e përçmuar, është e dhunuar nga vetë shteti”- tha Albana Vokshi.

“Fëmijët tanë e kanë mendjen për të ikur. Nuk duan të rrinë, nuk kanë mundësi arsimimi, sepse kjo qeveri ka rritur tarifat, ka ndryshuar rregullat për maturantët në prag të provimëve, sepse të rinjtë nuk gjejnë dot një punë dhe nuk e zhvillojnë dot biznesin. Një nga plagët më të mëdha të kësaj shoqërie është kurbeti. Edi Rama ka kthyer kurbetin, sepse ai do që të sundojë me injorantin, me trafikantin, të cilët i futi edhe në parlament”, shtoi Vokshi.

LEXO EDHE:
PD: Të shpallen muzë kombëtar kampi i të Burgosurve në Spaç dhe kampi i internimit Tela me Gjemba në Tepelenë

Vokshi u tha grave se duhet të votojnë Lulzim Bashën, pasi ai sipas saj është alternativa më e mirë.

“Nëse gruaja do, ajo ndryshon jo vetëm shoqërinë, por edhe qeverinë. Më 25 prill gratë do të bëjnë ndryshimin. Do të jenë gratë që do të sjellin fitoren e madhe të PD. Do të votoni për alternativën më të mirë me kryeministër Lulzim Bashën, për më shumë punësim, për paga e pensione më të larta, që fëmijët tanë t’i mbajmë këtu”- ishte apeli i Vokshit për gratë.

TAG:
• edi rama
• lulzim basha
• PD
• Albana Vokshi
• Fushate elektorale
• zgjedhjet parlamentare 2021