TIRANË - Në sallën sportive të Farkës, Skënderbeu në volejboll për femra fitoi Kupën e Federatës duke mundur këtë të dielë 3-1 me sete kundërshtaret e Tiranës.
Në parket vajzat e Orlando Kojës u treguan më të sakta dhe ia dolën që të rinisnin sezonin e ri aty ku e lanë, me trofe. Seti i parë u mbyll 25-14, teksa korçaret u tregua dominuese në parket.
Në setin e dytë Tirana e mori disi veten duke humbur vetëm me dy pikë diferencë (25-23), ndërkohë që fitoi 19-25 në setin e tretë. Seti i katërt ishte edhe ai final për këtë takim, me Skënderbeun që fitoi 25-18 në një duel emocionues.
![](https://shqiptarja.com/template/img/NO_ALFA_Kuadrate shqiptarja.png)
Tanimë skuadrat po përgatiten për fillimin e ri në Superligë, me Skënderbeun, Tiranën dhe Partizanin që duket se do rivalizojnë edhe këtë sezon.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)