Volejboll meshkuj/ Tirana prek titullin, fiton edhe derbin e dytë me Partizanin

Volejboll meshkuj/ Tirana prek titullin, fiton edhe derbin e dytë me Partizanin

Moment nga ndeshja

Kampionati kombëtar i Superligës së volejbollit për meshkuj është në fazën finale të play-off, me Tiranën më pranë se kurrë për të siguruar trofeun e tretë radhazi.

Pasi fituan ndeshjen e parë në "Asllan Rusi" 3-1 me sete kundër rivalëve të Partizanit, djemtë e Arben Sakos kanë marrë serish një fitore në ndeshjen e dytë derbi.

Në sallën sportive të Farkës, Tirana fitoi 3-2 me sete kundër Partizanit, në një ndeshje me përmbysje dhe ripërmbysje e që zgjati dy orë e gjysmë. Seti i parë u mbyll 25-23 për Tiranën, teksa më pas Partizani i trajnerit Ylli Tomorri përmbysi 21-25 dhe 18-25.

Seti i katërt foli 25-16 për Tiranën, me ndeshjen që shkoi me setin final dhe të pestë. Në këtë set Tirana fitoi 15-12 dhe siguroi kështu fitoren e dytë në ndeshjet finale, duke qenë pranë trofeut.

Më 28 prill në orën 18:00 sërish në Farkë luhet ndeshja e tretë, ajo që për Tiranën është një finale pasi mund të sigurojë trofeun, ndërsa Partizani ka shansin të rihapë finalet dhe të zgjasë play-off me një tjetër ndeshje minimumi.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në bregdetin shqiptar, sipas jush janë:



×

Lajmi i fundit

'Kush e fiton Europianin?' Ja si u votua tek sondazhi i Shqiptarja.com

'Kush e fiton Europianin?' Ja si u votua tek sondazhi i Shqiptarja.com