POP 5

Lajmet më të lexuara të 5 minutave të fundit

Sport

Volejbollistja meksikane që la Amerikën për Shqipërinë: S’doja të vija, kisha lexuar gjëra të këqija në media! Tani do ua sugjeroj të tjerëve

Volejbollistja meksikane Celeste Vela la Amerikën për të luajtur me Tiranën në Shqipëri, ndërsa në një intervistë për Report Tv tregon se fillimisht pati shumë dyshime për këtë si shkak i asaj që kishte lexuar për vendin tonë.

Celeste Vela nisi të lunate volejboll në qytetin e saj të Guadalahara në Meksiksë para se të transferohej në Amerikë ku ishte pjesë e ekipeve të universiteteve. Mirëpo prej gati 4 muajsh 22-vjeçarja është zhvendosur në Shqipëri për të luajtur me Tiranën. Në intervistën për ‘Report TV’ ajo tregon se e pati të vështirë të bindej për të ardhur në vendin tonë.

“Të jem e sinqertë fillimisht nuk isha e bindur për t’u transferuar këtu dhe e gjitha falë imazhit të ofruar nga mediat e huaja për Shqipërinë si një vend jo i sigurtë, por që personalisht më ka rezultuar krejt e kundërta dhe nuk pendohem aspak për zgjedhjen time,"-u shpreh ajo.

Volejbollistja e Tiranës tregon se të klubi kryeqytetas është pritur dhe ndjehet mjaft mirë.

“Jam shumë e kënaqur me vajzat e ekipit dhe stafin si për profesionalizmin e tyre ashtu edhe për anën njerëzore. E theksoj dhe një herë mikpritjen dhe ngrohtesinë që kam gjetur ketu, që po ma bën përshtatjen në këtë ambient shumë më të thjeshtë,”-tha ajo.

Celeste nuk e fsheh se në Shqipëri është për një periudhë kalimtare, pasi dëshura e saj është të transferohet të kampionatet e rëndësishme në Europë.

“Për momentin jam e përqendruar te Tirana. Dëshiroj të fitoj titullin kampion ketu, por të ardhmes nuk i dihet. Sigurisht jam e hapur për sfida të reja kështu që mbetet për t’u parë çfarë do të na ofrojë e ardhmja,”-u shpreh ajo.

Volejbollistja e Tiranës tregon se tani do ua sugjeroi edhe volejbollisteve të tjera për të ardhur në Shqipëri.

“Patjetër që do t'ia sugjeroja një aventurë në Shqipëri volejbollisteve nga Meksika. Madje do i ftoja jo vetem për mundesitë profesionale, por edhe të shijojnë bukuritë natyrore që ofron Shqipëria,”-tha ajo.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57