Vora, Durrësi e Shkodra pa kryetar/ Shehi: Të bindur që i fitojmë...sinjale për thyerjen e bojkotit të 30 qershorit?

Durrësi, Vora dhe Shkodra aktualisht janë pa një kryetar Bashkie. Sako dha dorëheqjen, e ndërsa Agim Kajmaku dhe Valdrin Pjetrin për shkak të dekriminalizimit i kanë lënë këto tre qytete pa një drejtues. I pyetur se përse opozita nuk kërkon ribërjen e zgjedhjeve në këto tre vendi, Shehi tha se është një proces i ngatërruar juridik, por se nuk i trembet kësaj gare.

"Është një temë që duhet të diskutohet në ditët në vijim, se as presidenti nuk mund të dekretojë datë zgjedhjesh në një kohë të jashtëzakonshme. Kjo është një nga pengesat. E dyta pastaj, edhe nga ana juridike është pak e ngatërruar në këtë lloj situate sepse Shkodra në një farë mënyrë e kanë vendosur një, e kanë sajuar këshillin Bashkiak, në Durrës kanë vënë nënkryetarin, në Vorë është po e njëjta situatë, këtu po flasim në rrafshin juridik. Të dyja këto janë pengesa nga ana juridike. E treta pengesë është e natyrës politike. Ne kemi dalë nga të gjitha bashkitë, për të krijuar një sistem ku zgjedhjet janë të lira dhe të ndershme tani për te bashki nuk mund ta vëmë këtë tezë të madhe në debat. E fundit, koha do të na tregojë që ia vlen të merremi me këtë çështje apo jo. Një gjë duhet të kenë parasysh shqiptarët, që nëse do na duhet të bëjmë këtë lloj testi, po në funksion të zgjedhjeve të cilat janë afër kur janë marrë edhe vendime të tjera politike sigurisht nuk kemi frikë ta bëjmë dhe jemi absolutisht të sigurt që fitojmë. Jo vetëm Shkodra dhe Vora që kanë qenë me demokratë në mënyrë tradicionale, por edhe Durrësi që vitet e fundit është kontrolluar nga e majta. Të sigurt se kjo politikë ua ka sjellë në majë të hundës, por këtu hyjnë edhe zemrat e prekura nga tërmeti", tha Shehi.

LEXO EDHE:
Zgjedhjet 2025/ Shehi-Alibeaj platformë për koalicion: Të na bashkohen të gjithë, veç Sali Berishës

TAG:
• 45 minuta
• dashamir shehi

Sondazhi i ditës:

Çfarë prisni në vitin 2025?

• Punë

  8.5%

• Shëndet

  72.8%

• Mirëqënia

  18.7%

Vota total: 412

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia