POP 5

Lajmet më të lexuara të 5 minutave të fundit

Politikë

'Vota e diasporës të numërohet nga KQZ', Celibashi: Partitë vetëm të vëzhgojnë! Debate te Rregullatori, shtyhet vendimi

Vota e emigrantëve nuk do të numërohet nga partitë, të cilat do të kenë vetëm vëzhgues pranë numëruesve që do të caktohen nga KQZ. Komisioni Rregullator e shtyu me 5 ditë miratimin e këtij akti, duke kërkuar që së pari, të pyeten partitë për këtë çështje.

TIRANË-  Kjo e shtunë nuk ishte një ditë pushimi në Komisionin Qendror të Zgjedhjeve. Me firmosjen e 11 majit si datë zgjedhjesh, gjërat ecin me shpejtësi. Komisioni Rregullator u mblodh për të miratuar rregullat se si dhe kush do t’i numërojë votat e emigrantëve, por akti i propozuar nga Ilirjan Celibashi shkaktoi debate.

Sipas dokumentit, zarfet e votave nga jashtë vendit do të vlerësohen nga një komision i ngritur nga KQZ dhe do të numërohen po nga njerëz të caktuar nga Komisioni.

Partitë politike, vetëm ato parlamentare, do të kenë të drejtë të kenë vëzhgues në këto tryeza. Nëse vëzhguesit kanë vërejtje për numëruesit e caktuar nga KQZ, ata kanë të drejtë të kërkojnë zëvendësimin e tij, por këtë të drejtë mund ta ushtrojnë vetëm një herë.

Anëtarët e Komisionit Rregullator ngritën pikëpyetje për aktin.

Anëtari i Komisionit Rregullator, Muharrem Çakaj: Çfarë mendimi kanë partitë për këtë?

Anëtarja e Komisionit Rregullator, Helga Vukaj: Të vijë këtu Celibashi. Duam të dimë mendimin e partive.

Mbledhja u shty me 5 ditë, ndërsa Kodi Zgjedhor përcakton se KQZ nuk do të numërojë asnjë votë që hyn në Shqipëri pas orës 19:00 të datës 11 maj 2025, kohë kur këtu mbyllet votimi.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 08/12/2024 03:35

    Nuk eshte e drejte qe vetem partite ne Kuvend te kene verzhgues gjate numerimit.Duhet qe partite apo grupimet e tjera jashte Kuvendit te kene mundesi te kene verzhgues te zgjedhur ne baze grupi te disa partive,ose te koalicioneve.Por verzhgues duhet te kene te gjithe subjektet qe kane emrin ne fleten e votimit,po keshtu duhet nje verzhgues per te perfaqesuar te gjithe te pavarurit.

    Përgjigju
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Vranësira e temperatura deri në 18 gradë celsius, parashikimi i motit për sot

Vranësira e temperatura deri në 18 gradë celsius, parashikimi i motit për sot

19 Janar, 07:27