POP 5

Lajmet më të lexuara të 5 minutave të fundit

Politikë

Vota e Diasporës/ Rreth 9 mijë emigrantë të regjistruar në KQZ deri tani, kryesojnë ata në Itali dhe Greqi

Nisja zyrtare e regjistrimeve të emigrantëve shqiptarë prej 11 Janarit në KQZ po njeh interes të lartë nga ora në orë. Në tre ditët e para ka një ritëm mesatar prej rreth 3 mijë regjistrimesh në ditë. Momentalisht ky numër ka shkuar në 8727 aplikime

Vota e Diasporës/ Rreth 9 mijë emigrantë të regjistruar në KQZ deri tani, kryesojnë ata në Itali dhe Greqi

Foto ilustruese

Tiranë- Nisja zyrtare e regjistrimeve të emigrantëve shqiptarë prej 11 Janarit në KQZ po njeh interes të lartë nga ora në orë.

Në tre ditët e para ka një ritëm mesatar prej rreth 3 mijë regjistrimesh në ditë. Momentalisht ky numër ka shkuar në 8727 aplikime (ora 12:00 e 13 Janar).

Gazetarja e Report TV, Esiona Konomi, informon se vijojnë të kryesojnë emigrantët shqiptarë në Itali me mbi 2 mijë regjistrime, pastaj Greqia me mbi 1200 dhe më tej ata në Gjermani, Angli, SHBA dhe vendet e tjera.

Vihet re se ditën e sotme është rritur ndjeshëm numri i aplikimeve nga diaspora në Greqi.

Deri ditën e djeshme ishin regjistruar rreth 7 mijë persona dhe deri tani janë miratuar rreth 1 mijë prej tyre, ndërsa vazhdon puna nga staf i KQZ-së që punon me 3 turne për t’iu përgjigjur kërkesave, duke i informuar për kalimin me sukses, apo refuzimin.

Nga shifrat vihet re se pjesa dërrmuese, gati 73% janë burra. 62 % i takojnë grupmoshës 25-45 vjeç, ndërsa ka pak interes nga emigrantë të moshave të reja, ose të fashës së pensionistëve.

Zgjedhësit duhet ta bëjnë vetë aplikimin, pasi sistemi kërkon shfaqjen e fytyrës drejtpërdrejtë, e cila krahasohet me foton e dokumentit të identifikimit.

Në këtë fazë, diasporës ju pranohet çdo dokument shqiptar identifikimi, edhe nëse ai ka skaduar, por më e rëndësishmja, ju kërkohet një dokument që vërteton banimin në atë adresë ku kërkon t’i shkojë fleta e votimit.

Nëse jeni emigrantë dhe dëshironi të regjistroheni për të votuar në zgjedhjet parlamentare 2025, klikoni KËTU.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sami: 13/01/2025 17:20

    E bera nga Franca. Shume praktike dhe platforme funksionale.

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Augustin Palokaj: BE-ja vazhdon të improvizojë me Kosovën

Augustin Palokaj: BE-ja vazhdon të improvizojë me Kosovën

13 Janar, 17:35 nga Augustin Palokaj