Votëbesimi në Senat, Conte: Ka nevojë të bëhet politikë për qytetarët

Kanë filluar diskutimet në Senatin Italian, ku diskutohet t’i jepet votëbesimi qeverisë Conte. Seanca e cila filloi në orën 9:30, do të zgjasë deri në orët e vona të mbrëmjes, ku në orën 20:30 pritet të bëhet publik rezultati.

Në fjalën e tij kryeministri theksoi se vendi ka nevojë të bëhet politikë për qytetarët.

"Ne kemi nevojë për një qeveri të gatshme dhe forca parlamentare, të vetëdijshme për vështirësitë që po kalojmë, kemi nevojë për gra dhe burra të aftë të shmangin egoizmin. Kemi nevojë për njerëz të gatshëm të njohin personin e dobishëm. Politika është ndër gjërat më fisnike, nëse i drejtohet mirëqenies së qytetarëve. Kur politika zhduket, këto raste rrezikojnë të çojnë në zemërim ose konfrontim të dhunshëm ", tha Conte në fjalën e tij.

LEXO EDHE:
Vrau me thikën e kuzhinës 28-vjeçarin italian pas një debati, arrestohet 42- vjeçari shqiptar

Gjatë seancës së sotme priten të flasin 45 senatorë, mes tyre janë Mario Monti, Emma Bonino, Massimiliano Romeo, Matteo Renzi.

Lajmi kryesor:

Pas votëbesimit në Dhomën e Deputetëve, diskutohet në Senat, Conte: Ka nevojë të bëhet politikë për qytetarët

TAG:
• itali
• qeveria italiane
• conte