EMRAT/ Zgjedhja e Kryesisë së PS-së, politikanët që morën më shumë vota dhe më pak

Asambleja ka votuar për kryesinë e re që do përbëhet nga 10 emra. Për votim kryesocialisti Edi Rama propozoi 14 emra, 7 gra e 7 burra. Ndërsa la jashtë emra si Olta Xhaçka, Mimi Kodheli, Blerina Gjylameti, Ditmir Bushati, Ilir Beqaj dhe Armando Subashi. Nga gratë nuk fituan Delina Ibrahimaj dhe Klotilda Bushka, ndërsa nga burrat nuk fituan Vangjel Tavo dhe Pirro Vëngu. Më i voturi nga anëtarët e kryesisë ishte deputeti Erion Braçe.

Gratë politikane më të votuara për Kryesinë e PS:

Lindita Nikolla 287 vota

Albana Koçiu 283 vota

Klodiana Spahiu 279 vota

Anila Denaj 278 vota

Etilda Gjonaj 219 vota

Burrat politikanë më të votuar për Kryesinë e PS:

Erion Braçe 295 vota

Arben Pëllumbi 294 vota

Toni Gogu 250 vota

Eduard Shalsi 241 vota

Igli Hasani 228 vota

Deklarata e plotë e Klosit

Ashtu sikurse ishte bërë me dije dhe nga ju, ky ishte një proces votimi në Asamblenë Kombëtare i cili konkludoi me të gjithë procesin e zgjedhjeve në Partinë Socialiste. Porces i cili ka filluar me zgjedhjen e delegatëve të Kongresit dhe pastaj me forumet e organizatave socialiste ku janë zgjedhur 5200 bashkëkryetarë në 5200 organizata.

Delegatët e Kongresit zgjodhën anëtarët e Asamblesë Kombëtare. Ishin 156 anëtarë të rinj të asamblesë kombëtare të cilët në masën 85% të tyre anëtarë të rinj. Pra 135 uleshin për herë të parë në këtë Asamble.

Asambleja e sotme, pas propozimeve të ardhura nga Kryetari i Partisë, votoi për Sekretariatin e Partisë Socialiste dhe anëtarët e Kryesisë së Partisë Socialiste.

Po ju bëj me dije se Sekretariati i Partisë Socialiste, ku konfirmohet propozimi i Kryetarit të Partisë.

Sekretar i Përgjithshëm, Blendi Klosi; Sekretar për Organizimin dhe Zgjedhjet, Damian Gjiknuri; Sekretar për Diasporën Zerina Bruçi; Sekretare për Programin, Milva Ekonomi; Sekretar për Rininë, Roi Bashaj; Sekretare për

Marrëdhëniet Ndërkombëtare, Romina Kuko dhe Sekretare e Gruas, Evis Kushi.

Përsa i përket anëtarëve të Krysisë të zgjedhur në mënyrë të barabartë pesë shoqe dhe pesë shokë, emrat e tyre janë, Albana Koçiu, Anila Denaj, Etilda Gjonaj, Klodiana Spahiu, Lindita Nikolla. Përsa i përket pesë shokëve, anëtarë të Kryesisë janë: Arben Pëllumbi, Erion Braçe, Eduard Shalsi, Igli Hasani dhe Toni Gogu.

Këto janë 10 shokët dhe shoqet që do jenë pjesë e Kryesisë së Partisë Socialiste së bashku me Sekretariatin dhe drejtuesit politik të qarqeve do të përbëjnë Kryesinë e re të Partisë Socialiste e cila do të fillojë punën që nga dita e nesërme për të organizuar zgjedhjet dhe fushatën tonë zgjedhore. Natyrisht për të përgatitur dhe programin e Partisë Socialiste, vizionin Shqipëria 2030.

Lajmi kryesor:

Asambleja e PS/ Rama: Unë dhe deputetët e vjetër garojmë në lista të hapura! PD merr më pak mandate se në '97! Ndryshon drejtuesit politikë në 7 qarqe! Zgjidhet kryesia e re! (EMRAT)

M.Q./Shqiptarja.com

TAG:
• PS
• edi rama
• asambleja e PS
• Durres
• zgjedhjet parlamentare 2025
• igli hasani
• olta xhaçka
• Mimi Kodheli
• blerina gjylameti
• ditmir bushati
• Armando subashi
• damian gjiknuri
• belinda balluku
• Vangjel Tavo
• blendi klosi
• Evis Kushi
• Milva Ikonomi
• Eduard Ndreca
• etien xhafaj
• komision i posacem antikorrupsion