Votohet në PD për emrat e 150
anëtarëve të Këshillit Kombëta

TIRANE - Për gati 7 orë rreth 4000 delegatë kanë votuar për zgjedhjen e 150 anëtarëve të Këshillit Kombëtar të Partisë Demokratike. Votimi i cili nisi rreth orës 13:25 u mbyll në 20:30, ndërsa ditën e nesërme do të votojnë pjesa tjetër e delegatëve. Në punimet e kësaj asambleje marrin pjesë 7500 anëtarët e Kuvendit Kombëtar të partisë më të madhe opozitare.
 
Votimi u zhvillua në ambientet e Pallatit të Kongreseve, ku rezultojnë 300 vende votimi, të ndara në 10 komisione. Çdo komision votimi ka në përbërje të tij 3 deri në 4 persona, njerëz këta të besuar të Partisë Demokratike. Personat në fjalë janë nga poste të ndryshme të Partisë Demokratike, duke filluar nga kryetarët e seksioneve, grupseksioneve apo atyre të degëve të PD-së.
 
Votimi ka vijuar i qetë dhe normal, e deri më tani nuk janë regjistruar problematika.
 
Lista aktuale përbëhet nga 285 persona, ndërsa fitues do të shpallen deri në 150 persona, që do të bëhen pjesë e Këshillit Kombëtar. Sipas rregullores, një votues duhet të shënojë nga 10 deri në maksimumi 150 emra, në të kundërt të kalimit të këtij intervali, fleta e votimi quhet e pavlefshme.

Procesi i votimit për anëtarët e Këshillit Kombëtar nisi pak minuta pasi përfundoi fjalën ish-kryetari i PD, Sali Berisha.




(Në foto: Kryetari i PD Lulzim Basha duke pritur në rradhë për të votuar) FOTO të tjera


(Në foto: Kryetari i PD Lulzim Basha duke votuar për emrat e 150 anëtarëve të Këshillit Kombëtar) FOTO të tjera







Redaksia Online
(Shqiptarja.com)