Vranë 31 vjeçarin shqiptar nga Gramshi për t’i marrë 12 mijë eurot dhe më pas e groposën në plazh, tre të akuzuarit dalin para gjykatës në Greqi

Vranë 31 vjeçarin shqiptar nga Gramshi për t’i marrë 12 mijë eurot dhe më pas e groposën në plazh, tre të akuzuarit dalin para gjykatës në Greqi

Të akuzuarit për vrasjen e shqiptarit në Greqi

Tre të pandehurit të akuzuar për vrasjen dhe groposjen e 31 vjeçarit shqiptar në në plazhin Kartela të Greqisë, kanë dalë sot para gjykatës së Qiparisias. Ndaj të treve rëndojnë akuzat për vrasje dhe grabitje. Ata nuk kanë folur për krimin e kryer, duke u përpjekur të mohojnë akuzat.

Shkaku për ngjarjen e rëndë të ndodhur mendohet të ketë qenë, shuma e madhe e parave që Eni Dollani nga Gramshi kishte pasur me vete.

Mbrëmjen e së dielës, 31-vjeçari së bashku me një shqiptar 30-vjeçar, një greke 30-vjeçare dhe një tjetër 24-vjeçar grek po argëtoheshin në një lokal në Kyparisia. Viktima e dyshohet se kishte me vete një shumë të madhe parash, e cila arrinte në 12 mijë euro, gjë që ishte vënë re nga të tjerët.

Sipas mediave greke, në kamerat e sigurisë tregohet se grupi ka hipur në një makinë, ku autoritetet kanë vënë në dukje se koha përkonte me orarin kur mund të ketë ndodhur krimi.

Tre autorët e dyshuar e kanë joshur 31-vjeçarin në plazhin e Kartelës, ku e kanë rrahur dhunshëm me send metalik në kokë dhe në trup për t'i marrë paratë më pas e kanë varrosur në rërë për të mbuluar gjurmët. Ata u arrestuan në afërsi të Zevgolatio-s dhe iu gjetën gjithsej 5300 euro, të cilat iu konfiskuan si pjesë e 12000 eurove që dyshohet se posedonte viktima.

Urdhri i arrestit është lëshuar mesditën e djeshme për personin tjetër, i cili dyshohet se është i përfshirë në krim, 24-vjeçarin nga Valyra dhe pak orë më pas është arrestuar në banesën e tij, pas një operacioni policor nga Sigurimi i Kalamatës.

Trupi i pajetë i të riut shqiptar u zbulua nga qeni i një prej qytetarëve që kishte dalë shëtitje në plazhin e Kartelas.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pagë 'sheiku' në Arabi, Edin Dzeko kërkon largimin nga Fenerbahce

Pagë 'sheiku' në Arabi, Edin Dzeko kërkon largimin nga Fenerbahce