POP 5

Lajmet më të lexuara të 5 minutave të fundit

Kronikë

Vrasja e 2 vëllezërve Kurtaj në Roskovec, edhe një i mitur nën akuzë! Ja gjashtë akuzat e Prokurorisë për 6 të dyshuarit

Pas vrasjes së dyfishtë të 10 Shtatorit në Kurjan, zbulohet se ka edhe një të dyshuar të gjashtë, E.H., që për shkak të moshës së mitur po ndiqet në gjendje të lirë nga Prokuroria e Fierit, së bashku me babanë e moshuar të autorit të krimit. Altin Kuka vrau Lavdimir dhe Gramoz KUrtaj pas sherrit të fëmijëve. U ndalua bashkë me 2 djemtë dhe kushëririn që i ndihmoi

Vrasja e 2 vëllezërve Kurtaj në Roskovec, edhe një i mitur nën akuzë! Ja gjashtë akuzat e Prokurorisë për 6 të dyshuarit

Dy viktimat dhe autori i dyshuar i krimit në Kurjan të Roskovecit

Fier- Për vrasjen e dy vëllezërve Lavdimir dhe Gramoz Kurtaj në Kurjan të Roskovecit më 10 Shtator të këtij viti, nën akuzë është edhe një djalë i mitur, por që për shkak të moshës do hetohet në gjendje të lirë. Në total janë 6 persona të dyshuar nën akuzë dhe hetim.

Gjithashtu i njëjti procedim edhe për një nga të moshuarit e dyshuar, teksa në paraburgim me “arrest në burg” ndodhen autori i dyshuar i vrasjes së dyfishtë, Altin Kuka dhe dy djemtë e tij Ervis Kuka, Emaurisio Kuka, si edhe për bashkëpunëtorin tjetër, kushëririn Tomor Zyka, 67 vjeç.

Prokuroria e Fierit konfirmoi sot edhe akuzat e ngritura zyrtarisht ndaj 5 të dyshuarve, të publikuara më parë edhe nga Shqiptarja.com pas masës së sigurisë së dhënë nga Gjykata e Fierit, më 13 Shtator.

Për të miturin me inicialet E.H., për shkak të moshës, organi i akuzës konfirmon se “vazhdon hetimi në gjendje të lirë”, sikurse edhe për të moshuarin Y.K., 76 vjeç, babai i autorit të dyshuar.

“Gjithashtu, po kryhen hetime të mëtejshme për të vënë para përgjegjësisë penale shtetas të tjerë të cilët dyshohen se kanë lidhje me ngjarjen e ndodhur”, njofton Prokuroria.

Për autorin kryesor të dyshuar, Altin Kuka, që u vetëdorëzua pas vrasjes së vëllezërve, me të cilët kishte edhe lidhje miqësie, janë ngritur akuza “vrasja në rrethana të tjera cilësuese”, “mbajtja pa leje dhe prodhimi i armëve, armëve shpërthyese dhe i municionit”

Për djalin Ervis Kuka “vrasja në rrethana të tjera cilësuese”, kryer në bashkëpunim, “mbajtja pa leje dhe prodhimi i armëve, armëve shpërthyese dhe i municionit”, dhe “drejtimi i automjeteve në mënyrë të parregullt”, për djalin tjetër Emaurisio Kuka, “vrasja në rrethana të tjera cilësuese”, kryer në bashkëpunim dhe “mbajtja pa leje dhe prodhimi i armëve, armëve shpërthyese dhe i municionit”, kurse për kushëririn 67-vjeçar, Tomor Zyka, “përkrahja e autorit të krimit”.

Për babanë e autorit, Y. Kuka, rëndon akuza “mbajtja pa leje dhe prodhimi i armëve, armëve shpërthyese dhe i municionit” dhe “prodhimi dhe mbajtja pa leje e armëve të gjuetisë dhe sportive”, pasi në banesë iu gjetën 3 armë zjarri dhe municione. Kurse për të miturin E.H., “moskallëzimi i krimit”.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

25 Dhjetor, 17:47