Vrasja e 50-vjeçarit në Selanik, shkak trafiku i drogës Elbasan-Greqi! Zbardhet biseda e fundit e viktimës dhe autorit: E bëra punën, më jep lekët! Vrasësi: S’të kam asnjë borxh

Trafiku i drogës është pista kryesore e vrasjes së 50-vjeçarit Shpëtim Bajrami mesditën e së enjtes në Selanik. Mediat greke shkruajnë se 51-vjeçari nga Elbasani, udhëtonte 3-4 herë në muaj drejt Shqipërisë.

Madje vetëm një ditë para ngjarjes kishte mbërritur sërish në Greqi pas një udhëtimi në vendlindje. Ai përdorte itinerarin Shkup – Pogradec dhe kthehej në Greqi përmes Kapshticës. Edhe pse për të policia shqiptare ka informacion për përfshirje në trafikun e drogës, ai nuk rezulton me precedentë në Shqipëri e Greqi.

Ndërkaq autori i vrasjes, sipas mediave greke rezulton i lidhur me një nga familjet më të rrezikshme të Elbasanit, ndërkohë që rezulton i dënuar në Greqi për drogë. Dëshmitarë të zënkës së viktimës me autorin në një bar të zonës para vrasjes, janë shprehur se dialogu mes tyre ka qenë i tillë:

Viktima: E kam bërë punën, më jep lekët.

Autori: Unë t’i kam dhënë, nuk të kam asgjë borxh.

Autori qëlloi Bajramin nga një mjet tip “Peugeot” e zezë e cila rezulton në pronësi të Elena Kurtit, 48 vjeçe nga Elbasani, e cila dyshohet për trafik droge. Hera e fundit që ky automjet ka hyrë në Greqi me drejtuese Kurtin, ka qenë më 29 qershor nga Kapshtica.

Lajmi kryesor:

Vrasja e shqiptarit në Selanik, ‘mollë sherri’ paratë e drogës që transportohej nga Elbasani në Greqi! Vetëdorëzohet në polici autori, shok me viktimën

G.MO/Shqiptarja.com

TAG:
• Shpëtim Bajrami
• vrasje
• shqiptaret ne greqi
• greqi