TEPELENË- Gjykata e Apelit në Gjirokastër ka dënuar përfundimisht Et’hem dhe Dino Muho të cilët u shpallën fajtor për vrasjen e Alket Muhos në 6 shtator të 2018 në fshatin Rabije, Bashkia Memaliaj pas konflikteve për pronën. Seanca e sotme gjyqësore ka filluar me tensione pasi familjaret e dy të akuzuarve kanë kërkuar rrëzimin e akuzave, por kjo kërkesë nuk u pranua nga ana e gjykatësit.
Kështu në vendimin e sotëm, Dino Muho u dënua me 19 vite burg, nga 17 që kishte dhënë shkalla e parë dhe 22 vite për E’them Muhon nga 20 vjet që ishte dënuar më parë. Gazetari Piro Nase, arrestimi i tyre u bë menjëherë pas përfundimit të seancës gjyqësore, nën akuzën e vrasjes me paramendim, kjo sepse gjatë kësaj periudhe dy të dënuarit qëndronin në "arrest shtëpie" për shkak të shkeljes së afateve të ankimimit të vendimit për masën e arrestit.
Në vendimin e dhënë, u provua dhe u vërtetua përtej çdo dyshimi se Et’hem dhe Dino Muho janë autorë të vrasjes me paramendim të Alket Muhos në 6 shtator të 2018.
Konflikti për pronën
Në 2016, babë e bir, E'them dhe Dino Muho kanë paditur në Gjykatën e Gjirokastrës viktimën, Alket Muho për tokat që sipas tyre nuk ishin të tijat. E'them Muho pretendonte që viktima i kishte falsifikuar dokumentet e pronave, ndërkohë që 43-vjeçari pretendonte që e kishte e fituar tokë me ligjin 7501. Mësohet gjithashtu se ishte vetë E'them Muho ai që e pushoi çështjen në gjyq në mënyrë të njëanshme për arsye ende të panjohura.
Sipas të dhënave policore viktima u qëllua me 20 plumba automatiku model 56, të cilët i kanë prekur zemrën dhe i kanë dëmtuar pjesën e majtë të fytyrës. Pak para se të ekzekutohej viktima ka qenë duke komunikuar në telefon me bashkëshorten e tij. E shoqja ka thënë në polici se fjalët e fundit që ka dëgjuar nga bashkëshorti kanë qenë:”Çfarë bëni kështu more çuna?”. Më pas, është dëgjuar një breshëri automatiku, dhe telefonata është ndërprerë. Pas kësaj, gruaja e 43-vjeçarit ka vrapuar për tek toka 100 metra larg shtëpisë ku Muho po punonte dhe e ka gjetur atë të pajetë.
Në fillim, dyshimet më të forta u lidhën me faktin që ai mund të ishte vrarë pasi informoi policinë në lidhje me parcelat e drogës në Tepelenë dhe dikush e konspiroi, por më pas familjarët treguan se e gjitha ka ardhur pas konfliktit prej vitesh për pronën në kushërinjtë e tij.
Lajme të tjera
-
Krishtlindja/ Urime për paqe dhe dashuri nga Gjirokastra
25 Dhjetor, 12:00 -
Bllokohet aksi nacional Gjirokastër-Përmet, shkak rënia e inerteve nga lartësitë
23 Dhjetor, 17:38 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Tepelenë/ Borxhet ndaj Ujësjellësit kapin shifrën e 120 mijë eurove! Familjet e varfëra dhe Bashkia nuk paguajnë ujin
22 Dhjetor, 16:59
-
Gjirokastër/ Banesa përfshihet nga zjarri, shkak një defekt në bombulën e gazit! Shpëtojnë mrekullisht familjarët
21 Dhjetor, 15:40 -
Gjirokastër/ Makina del nga rruga te 'Ura e Kardhiqit', vdes drejtuesi 62-vjeçar
20 Dhjetor, 08:02 -
AMP arreston 2 policë! Njëri u denoncua nga ish-bashkëshortja, theu urdhrin e mbrojtjes dhe i vodhi valixhen me 5 milion lekë
19 Dhjetor, 10:58 -
‘Aperitivo italiano’, jazz & soul në Gjirokastër! Koncert me këngët më të bukura të muzikës italiane
16 Dhjetor, 14:52
-
Media spanjolle 'ABC': Shqipëria fiton popullaritet në mesin e turistëve ndërkombëtarë
15 Dhjetor, 08:14
