POP 5

Lajmet më të lexuara të 5 minutave të fundit

Kronikë

Vrasja e Ardian Nikulajt, arrestohet në Londër Harry Simpson! 32-vjeçari ka vëzhguar biznesmenin dy javë para vrasjes

Burime nga Policia e Shtetit konfirmojnë se është arrestuar Harry Simpson, anglezi i fundit që ishte shpallur në kërkim për vrasjen e Ardian Nikulajt

Anglezi i fundit i shpallur në kërkim për vrasjen e biznesmenit Ardian Nikulaj në Shëngjin, Harry Simpson, u arrestua mbrëmjen e të enjtes në Londër.

Policia britanike ka informuar Interpol Tiranën se e ka lokalizuar 32-vjeçarin në një banesë me qëllim ekstradimin drejt Shqipërisë ku përballet me akuzën e vrasjes. Simpson ishte lokalizuar në Angli pak ditë pas vrasjes në lokalin “Coral” në Shëngjin, por autoritetet britanike refuzuan arrestimin pasi nuk u bindën nga provat e dërguara nga Shqipëria.

I kërkuari është mbajtur në vëzhgim derisa u dërguan prova shtesë për rolin e tij në ngjarje, çka i bindi autoritetet britanike për ta arrestuar.  I riu akuzohet se ka bashkëpunuar me grupin e autorëve të atentatit ndaj biznesmenit Ardian Nikulaj, në rolin e vëzhguesit që ka informuar autorin për lëvizjet e viktimës.

Pas ekzekutimit të biznesmenit më 19 prill 2023, Gjykata e Lezhës caktoi për Harry Simpson, masën e sigurisë “arrest në burg”, për “Vrasja për gjakmarrje”, në bashkëpunim dhe “mbajtja pa leje dhe prodhimi i armëve, armëve shpërthyese dhe i municionit”.

Në dosjen e prokurorisë së Lezhës, sqarohet se 32-vjeçari në bashkëpunim me 5 persona të tjerë, janë implikuar në vrasje në rolet e porositësit, ekzekutorit dhe 3 bashkëpunëtorëve. Simpson kishte precedentë të mëparshëm penalë në Londër, ku në Shkurt të vitit 2015, është arrestuar me akuzën e shitjes së kokainës dhe kanabisit me vlerë 40.000 sterlina.

Ai u ndalua teksa lëvizte me një makinë tip BMV pa patentë dhe siguracion dhe Gjykata britanike e dënoi me 5 vjet e 3 muaj heqje lirie ndërsa paratë e sekuestruara iu dhuruan organizatave të mbrojtjes së kafshëve. Biznesmeni Ardian Nikulaj u qëllua brenda lokalit të tij nga shtetasi portugez Ruben Saraiva, i cili ka pasur rolin e ekzekutorit, i arrestuar një muaj pas ngjarjes në Marok.

Në Londër më herët është arrestuar Edmond Haxhia, i dyshuar si porositës i vrasjes për hakmarrje, bashkë me Stephen Hunt, Thomas Mithan dhe shtetasen Harriet Bridgeman, të cilët kanë pasur rol në vëzhgimin e biznesmenit për rreth dy javë para vrasjes. Krimi dyshohet se është porositur nga Edmond Haxhia, kushëri i familjes Lekstakaj me të cilën familja e biznesmenit Nikulaj ishte në hasmëri prej vitit 1996 si pasojë e një seriali hakmarrje me 5 viktima. Të gjithë shtetasit e huaj të implikuar në ngjarje, u larguan nga Shqipëria përmes Rinasit pak orë pas atentatit në Shëngjin. 

TË AKUZUAR PËR VRASJEN E NIKULAJT

Edmond Haxhia, shqiptar

Ruben Saraiva, portugez

Harry Simson, britanik

Harriet Bridgeman, britanike

Thomas Mithan, britanik

Steven Hunt, britanik

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Sylvinho 'motivon' Cristian Shpendin, sulmuesi i Kombëtares shënon golin e nëntë në Itali

Sylvinho 'motivon' Cristian Shpendin, sulmuesi i Kombëtares shënon golin e nëntë në Itali

23 Nëntor, 21:39