TIRANE- Atentatorët e kanë ndjekur makinën e Isuf Brahimajt, dhe në momentin kur 42-vjeçari ka qenë në një zonë pa shumë njerëz kanë shpërthyer edhe eksplozivin e vendosur poshtë sediljes së shoferit. Hetimet janë përqendruar në pistën se kjo vrasje është porositur nga jashtë Shqipërisë, për shkak të konflikteve të vëllezërve Brahimaj.

Çështja është duke u hetuar nga ana e Prokurorisë së Krimeve të Rënda, e cila ka kërkuar të gjitha pamjet filmike të kamerave nga hoteli që po ndërtonte në Jonufër, Brahimaj e deri tek vendi ku ka shpërthyer makina.