Vrasja e efektivit të 'Shqiponjave' në Fier, policia: Shpërblim 30 mijë euro për këdo që jep informacion për autorin Azgan Mernica

Foto: Polici i vrarë Novruz Cenalia dhe Azgan Mërnica (ne te majte) 

Policia ofron 30 mijë euro shpërblim për këdo që jep informacion në lidhje me 23-vjeçarin Azgan Mërnica i cili dyshohet se është autori i vrasjes së efektivit të policisë Novruz Cenalia.

‘Në lidhje me ngjarjen e ndodhur në fshatin Baltëz, ku u vra me armë zjarri, punonjësi i Policisë (jashtë shërbimit), shtetasi N. C., Policia e Shtetit kërkon ndihmën dhe bashkëpunimin e qytetarëve për lokalizimin e autorit të dyshuar të vrasjes, shtetasit Azgan Mernica, 23 vjeç, banues në fshatin Sulaj.

LEXO EDHE:
Fier/ Dëmtoi makinën e policisë dhe kanosi efektivin pasi i bllokoi gomonen e shokut, në pranga 29-vjeçari (EMRI)

Kushdo që ka informacion të telefonojë në numrin pa pagesë 112, duke iu garantuar anonimatin. Për çdo informacion të vlefshëm, Policia e Shtetit vë në dispozicion shpërblimin 30 000 euro.

Ndërkohë, shërbimet e Policisë së Fierit, Forca Kombëtare e Sigurisë dhe Reparti Special “RENEA”, në drejtimin e Drejtorit të Përgjithshëm të Policisë së Shtetit, vijojnë veprimet operacionale në zonë, me qëllim kapjen dhe vënien në pranga të 23-vjeçarit.

Gjithashtu, në të gjitha akset rrugore lidhëse me qarkun Fier janë ngritur pika kontrolli.

Grupi hetimor, në drejtimin e Prokurorisë, po vijon veprimet në vendngjarje për të sqaruar dhe dokumentuar me prova ligjore rrethanat e rastit.’- njofton policia.

Lajmi kryesor:

Fier/ Vritet me plumb në kokë polici i ‘Shqiponjave’! 28 vjeçari me uniformë po shkonte në punë! Policia 30 mijë € shpërblim për gjetjen e autorit (VIDEO + EMRI)

M.Q./Shqiptarja.com

TAG:
• azgan mernica
• Novruz Cenalia
• vrasja e policit ne fier
• Fier