POGRADEC- Ka dalë ekspertiza mjekoligjore për 42-vjeçarin, Egli Proga i cili humbi jetën pasi u dhunua për vdekje më 10 Gusht në një lokal nga i riu Denis Meçe. Në ekspertizën e Institutit të Mjekësisë Ligjore thuhet se viktima kishte dëmtime në ballë, në hundë, vesh, në faqe, në supin e majtë, të cilat “janë shkaktuar me mjet të fortë mprehës, siç mund të jetë edhe goditja me grusht”.
Report Tv disponon dokumentin e ekspertimit mjeko ligjor të datës 30 gusht 2024 që është firmosur nga 2 ekspertë mjeko ligjorë: Dr. Gjergji Kaçauni, dhe Dr. Klevis Shella. Në dokument thuhet se ne trupin e Progës u konstatuan hemoragji ne cipat e trurit, hemoragji cerebrale, ekimoza, dermishje ne fytyre dhe ne trup me karakteristikat dhe lokalizim te përshkruara. Keto demtime jane shkaktuar me mjet te forte mbretes sic mund te jete edhe goditja me grusht. Shkaku i vdekjes te shtetasit Eglantin Proga ka ardhur si pasojë e hemoragjisë ne cipat e trurit dhe hemoragjisë te indin trunor.
"Ne trupin e shtetasit Eglantin Proga u konstatuan hemoragji ne cipat e trurit, hemoragji cerebrale, ekimoza, dermishje ne fytyre dhe ne trup me karakteristikat dhe lokalizim te pershkruara ne AKT. 2. Keto demtime jane shkaktuar me mjet te forte mbretes sic mund te jete edhe goditja me grusht. 3. Shkaku i vdekjes te shtetasit Eglantin Proga ka ardhur si pasojë e hemoragjisë ne cipat e trurit dhe hemoragjisë te indin trunor", thuhet në ekspertizë.
Po kështu "në mostrën e gjakun të viktimës u zbulua prani e alkoolit në vlerën mesatare 2.82 g/ L. Akt- ekspertimi mjeko-ligjor i është dërguar Prokurorisë së Korçës e cila po vijon hetimet për vrasjen e Egli Progës.
Policia arrestoi autorin e vrasjes Denis Meçin, me akuzën e vrasjes me dashje dhe është vendosur masa detyrim paraqitje nga Gjykata për Voltan Shkulaku, Leonidha Guçe, Arjan Manellari, të cilët nuk kallëzuan krimin. Por Prokuroria e Korçës, në seancën për caktimin e masës së sigurisë, lehtësoi akuzën për Denis Meçin nga vrasje me dashje, në vrasje nga pakujdesia, çfarë solli përplasje mes institucioneve të drejtësisë.
Ekspertiza
Motra e të ndjerit Egli Proga, Jonida ka reaguar në rrjetet sociale lidhur me zbardhjen e akt ekspertimit të mjekëve për vrasjen e vëllait të saj në Pogradec. Ajo shpreh rezervat e saj lidhur me këtë akt ekspertimi. Fillimisht ajo e ka me efektivët e policisë të cilët dështuan në mbledhjen e provave në vendin e ngjarjes dhe më pas dështuan me kapjen e autorëve.
Ajo hedh akuza ndaj mjekëve se po tentojnë ta klasifikojnë si vrasje nga grushti dhe jo vrasje nga sende të mprehta. Jonida Proga shton se akt ekspertimi do ribëhet me mjekë të IML.
'Të dashur miq,
Sot për të tretën herë Policia e Shtetit ka përdhosur kujtimin e vëllait tim të dashur Eglit. Me një paturpësi të papërshkrueshme shpërndanë për publikim herët në mëngjes pjesë të shkëputura nga raporti mjeko ligjor i vdekjes së Eglit duke tentuar të fshihen pas gënjeshtrave e të deformojnë të vërtetën. Policia që dështoi në mënyrë të turpshme në hetimin e vrasjes së Eglit kur vrasja sapondodhi, dështoi në mbledhjen e provave, që dështoi edhe me kapjen në FLAGRANCË TË AUTORËVE vazhdon të dezinformojë. Mbrëmë në emisionin “Opinion” një përfaqësues policie tentoi të justifikojë live të vërtetën e shkatërrimit të provave në sy të kamerave televizive.
Ishte ora 19:20 e ditës së mallkuar 10 gusht kur mediat fiksuan me kamerat e tyre vendin e ngjarjes, trotuarin me gjak, makinën tek e cila kriminelët rrëzuan Eglin. Në Tv dallohen kriminelët që bënin sehir GJYSMË ORE PAS VRASJES NË TË NJËJTIN VEND KRIMI.
Asnjë polic në botë nuk mund të justifikojë lëvizjen e makinës së bardhë me targa AD049T nga vendi i krimit. Asnjë polic i ndershëm shqiptar nuk do lejonte që ajo makinë me prapakolp lyer me gjak të largohej nga vendi i krimit rrethuar me piketa policie. E kundërta ndodhi në sy të POLICISË, Arjan Manellari merr makinën e Leonidha Guçes dhe largohet. Asnjë polic në planet nuk do bënte sehir pak minuta pas vrasjes nëse do shihte si pinin kafe te STROPCKA kriminelët Arjan Manellari, Leonidha Guçe bashkë me Voltan Shkulakun që NUK PANË ASGJË. Kriminelat rrinin ulur pa u shqetësuar te vendi I KRIMIT Z. POLIC. Ata nuk janë njerëz që ndaluan për kafe në vendin e një krimi. Ata janë kriminelët e sigurt që JU NUK I ARRESTONI Z. POLIC.
Familjarët e mi nuk mbyllin dot sytë se kanë parë fotot e fytyrës së masakruar të vëllait tim. Një vëlla, një bir, një bashkëshort i gjakosur nga koka te këmbët në organet jetike dhe delikate, i gjithë integriteti fizik i Eglit u prek rëndë derisa vdiq dhe kanë guximin të thonë me lehtësi të pabesueshme se ishte “grusht", se “kishte pirë”. Qoftë Prokurorja që iku nga çështja, qoftë kryepolici që foli një ditë më pas, qoftë policët që lane kriminelat të ikin, qoftë dy mjekët ligjor që bënë një akt të çalë, Gjergji Kaçauni me Klevis Shella të gjithë do mbajnë përgjegjësi para LIGJIT për vrasjen e Eglit që kërkohet të mbulohet.
Pyetja për dy mjekët ligjor ishte: Me çfarë mjeti janë shkaktuar këto dëmtime?
Përgjigja e tyre: Këto dëmtime janë shkaktuar me mjet të fortë mbretës, siç mund të jetë edhe goditja me grusht.
Përse kërkoni ta çoni vrasjen te GRUSHTI “MJEKË”? A nuk mund të jetë goditje me dorëz hekuri, me levë, a me mjete të rënda MBRETËSE? Pyetja nuk ishte “A janë shkaktuar me grusht ose jo dëmtimet ZOTËRINJ MJEK.
Tani kam unë një pyetje për ju: A ka punuar Anduena Kaçauni, motra e njërit prej jush si vartëse e ish drejtorit të Posta Korçë, Valter Gora daja i kriminelit Denis Meçe?
Nëse po atëherë edhe unë kam të drejtën që të dyshoj që Akt ekpertimi mjekoligjor numër 70 nuk ka treguar të vërtetën e vdekjes së Eglit, pasi ka mangësi dhe shtrembërime të pyetjeve të hetimit që mund të jenë shkaktuar nga shkaqe si ato që vijnë nga NDIKIMI I KORRUPSIONIT.
AKTI DO RIBËHET ZOTËRINJ MJEKË TË IML!
Po e vazhdoj vetë hetimin e vrasjes së Eglit se askush nuk më ka dhënë përgjigje pse e vranë Eglin. Po përpiqen ta reduktojnë krimin në një “grusht”. Shoh heshtje, frikë dhe dorëzim përballë kriminelëve që po terrorizojnë qytetin e Pogradecit, atyre që kanë lidhje me policinë, me drejtësinë, me pushtetin e lartë vendor në Pogradec.
Ka ende shumë pyetje pa përgjigje që do u shkoj deri në fund.
Si u dorëzua me Range Rover brenda në Komisariat krimineli Denis Meçe?
Kush polic negocioi me të kur ai nuk “gjendej” dot askund se ku dhe me kë po “flinte gjumë”?
Pse nuk u kontrollua kurrë shtëpia e tij në Pogradec por “u trokit” vetëm te gjyshërit e tij në Buçimas?
Çfarë kërkonte Leonidha Guçe në dyert e spitalit një orë pasi e vranë Eglin?
Çfarë bisedonte një orë më pas në dyert e Komisariatit Pogradec me miqtë e tij policë ky kriminel?
Pse u la të pastrohej vendi i krimit, lokali Stropcka nga brenda dhe jashtë, sidomos tualeti, nga pronari bashkpunëtori në krim Voltan Shkulaku dhe më pas u bë këqyrja?
Pse nuk u mbyll që në çastin kur mbërriti policia në vendngjarje lokali që të fiksohej çdo gjë? A nuk vdiq një njeri????
Me kë ka komunikuar Valter Gora, më datë 10 gusht? Po në 11 gusht?
Kam me dhjetra pyetje të tjera që do t'ua marr përgjigjet medoemos.
Po kërkoj vetëm të vërtetën. Kam dëshmi e prova që po i mbledh me vështirësi pavarësisht se njerëzit kanë frikë të flasin, se kanë frikë nga kriminelat. Frika ka mbërthyer zemrat e tyre sepse askush nuk i mbron në Pogradec. Janë bashkë. Kriminelat lëvizin lirshëm, fshihen prapa krahëve të atyre që duhej të kishin bërë drejtësi. Ata që duhej të ruanin provat, ata që lejuan të pastrohej vendi i krimit, ata që duhej të kishin ndaluar krimin, heshtën dhe kthyen sytë nga ana tjetër.
Do kërkoj pafund e deri në fund DREJTËSI PËR EGLIN. Vrasësit që janë jashtë, ai brenda dhe gjithë ata që ndihmuan në fshehjen e së vërtetës do paguajnë me dënim para ligjit që nga zyrtari më i vogël që ka shpërdoruar detyrën e është korruptuar deri te ai më i larti. Ky është vetëm fillimi i betejës sime për drejtësi. Për të vërtetën e VRASJES që duhet të dalë me çdo çmim në dritë.
Ju përulem me mirënjohje të gjithë njerëzve që kanë ndihmuar Eglin dhe familjen e tij.
Ju përulem me respekt të gjithë atyre që më janë gjendur dhe më kanë ndihmuar në këto ditë të vështira.
JUAJA
Jonida Proga'
Komente
Lajme të tjera
-
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Moti i keq në Korçë/ Policia: Gatishmëri në të gjitha akset, janë të kalueshme pavarësisht borës! Ja këshillat për shoferët (VIDEO)
23 Dhjetor, 15:34 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën (VIDEO)
23 Dhjetor, 11:26 -
Korçë/ Hyri me forcë në bankën e nivelit të dytë mbrëmjen e së shtunës, arrestohet 38-vjeçari: Nuk mbaj mend gjë, isha i dehur (EMRI)
23 Dhjetor, 09:40 -
Korçë/ Tentoi të vjedhë bankën, autori ende në kërkim! Policia: Mund të ketë qenë i dehur
22 Dhjetor, 12:34
-
Korçë, hyn me forcë brenda një banke të nivelit të dytë, sa vjen policia ikën me shpejtësi
21 Dhjetor, 23:41
-
Emigrantët kthehen në Shqipëri për festa, fluks në Kapshticë
21 Dhjetor, 10:30 -
Korçë/ Shpërndanin kokainë në doza, arrestohen 4 persona, mes tyre një turk! Sekuestrohet 1 pistoletë, 57 gr kokainë dhe rreth 9 mijë euro
21 Dhjetor, 10:13 -
Kujtohet në vendlindje Lasgush Poradeci, bojkoton e bija! Aktivitet kulturor për 125 vjetorin e lindjes së poetit
20 Dhjetor, 16:49 -
Kampionati kombëtar i fluturimeve ‘Korça Open Air’! Pjesëmarrës 40 pilotë nga shtete të ndryshme
20 Dhjetor, 16:39
-
Pogradec/ Policia dhe Inspektoriati i peshkimit sekuestrojnë varkën në liqen, autorët e braktisën! Sekuestrohet edhe 300 metra rrjetë
20 Dhjetor, 14:24
Qe njeriu mund te vritet dhe nga nje grusht e sidomos kur i shkakton hemoragji ne tru,kjo dihet,e nuk eshte hera e pare,por ajo qe eshte paradoks ne kete rast eshte se mjeket thone ne te njejten fjali qe vdekja ka ardhur nga nje mjet te forte mbretes(mos valle mbretes=i mbrehte,hera e pare qe degjoj fjalen mbretes)qe mund te jete grusht,pra ne te njejten fjali mjet mbretes dhe grusht!Viktima nga perhapja e plageve,nuk eshte goditur vetem me nje grusht dhe mesa duket edhe me ndonje mjet tjeter!Mendoj qe motra ka te drejte te kerkoje nje opinion te dyte dhe e vleresoj per guximin dhe kembenguljen,por dhe per njohurite kriminalistike qe ka.
PërgjigjuSi ne thene, dru me pre kjo puna e "mbreres"!!!
kur ka dhe poradeci kriminele mos mbete njeri me kembe nuk ka djale apo vella ai viktima tja shtype surratin e ngjallur cdo gje do te shkoje sipas kanunit vrare do te vrasin
PërgjigjuVetem ne kavaje Ka kriminela!!!??? A e di ti titi ku eshte pogradeci? Kriminela Ka kudo edhe me te keq se ne kavaje