Pas vrasjes së Egli Progës në Pogradec, kreu i Partisë së Lirisë Ilir Meta akuzoi uniformat blu se tentuan të manipulonin ngjarjen. Sipas tij, krimi në Pogradec tregon fytyrën e vërtetë të policisë dhe asaj që e quan një narko-qeveri.
Meta thotë se bandat kriminale të Rinilindjes janë bërë njësh me pushtetin dhe policinë, ndërsa shtoi se shteti i krimit liroi tre nga personat që akuzohen se fshehën ngjarjen.
“Krimi monstruoz i vrasjes së babait të dy fëmijëve në Pogradec, që u fsheh dhe u manipulua nga Narko-Policia, dhe për më rëndë akoma, që u relativizua nga “Drejtësia e Re” e Ramaformës, e cila liroi në sallën e gjyqit tre nga katër bashkëpunëtorët e vrasjes, është një ngjarje shumë e rëndë dhe tronditëse që revolton, dhe rrezikon çdo shqiptar. Përpjekja tinëzare shtetërore për të mbuluar një vrasje të paralajmëruar është prova më e freskët se në këtë vend nuk sundon shteti ligjor, por shteti i krimit, që inkurajon, mbulon dhe amniston krimet e gjobaxhinjve të Rilindjes, dhe bandave kriminale të “Rilindjes” të bëra njësh me pushtetin dhe policinë.
I shpreh solidaritetin më njerëzor dhe ngushëllimet më të ndjera familjes Proga, që humbi pabesisht njeriun e tyre të dashur, dhe që më rëndë akoma nuk po gjen drejtësi për një krim të kryer ditën për diell, në zemër të qytetit aq paqësor të Pogradecit dhe para syve të dhjetëra qytetarëve. Ky krim monstruoz provon edhe njëherë fytyrën e urryer të Narko-Policisë Qeveritare, e njëjta që vrau Klodian Rashën tek dera e shtëpisë dhe që e manipuloi edhe atëherë vrasjen, duke i shtuar një pistoletë si shkaktar i një konflikti me policinë”, u shpreh Ilir Meta.
Kreu i PL bën thirrje për hetime të intensive ndaj drejtuesjve të policisë, që sipas tij kanë marrë pjesë në manipulimin e ngjarjes.
“Duhet të ketë hetime të shpejta, intensive ndaj drejtuesve të policisë. Të cilët kanë marrë pjesë në këtë manipulim, sepse jo vetëm ka ndodhur ngjarja, por kanë provokuar një ngjarje tjetër, për të spostuar vëmendjen nga kjo ngjarje tepër e rëndë, siç bën gjithmonë Rilindja me manipulimet e saj mediatike.
Dhe së dyti, duhet të hetohen edhe gjyqtarët, dhe të gjithë ata të cilët kanë bërë një proces farsë, duke liruar tre nga bashkëpunëtorët në këtë vrasje”, vijoi Meta.
Një koment Meta e pati edhe për deklaratën e kryeministrit Rama mbi vrasjen e Egli Progës që komentoi akuzën e ngritur nga Prokuroria si vrasje nga pakujdesia. Sipas Metës, Prokuroria është në kontrollin e Ramës, ndërsa shkon edhe më tej ku thotë se nuk është çudi që Rama të sakrifikojë ndonjë prokuror për këtë çështje pasi ka pasur reagim të madh nga opinioni publik.
"Absolutisht Prokuroria është në kontrollin e Edi Ramës. Këto janë lojërat e tij, nuk është asnjë çudi dhe të sakrifikojë ndonjë Prokuror për këtë çështje. Pasi ka pasur një reagim të fortë të opinionit publik, ndaj këtij instrumentalizimi të institucioneve që duhet të jenë garante të hetimit, zbatimit të ligjit dhe vënies së drejtësisë.
Edi Rama për të shpëtuar lëkurën e vet, ju e dini ka sakrifikuar bashkëpunëtorin më të ngushtë në 10 vite, sidomos në fushën e ekonomisë, ish-zëvendës kryeministrin Ahmetaj”, vijoi Meta.
Lidhur me rastin e vrasjes së Progës dhe akuzat për fshehjen e ngjarjes, Kryepolici Muhamet Rrumbullaku mbrojti sot Policinë. Ai tha se nuk ka asnjë të dhënë, që policia lokale të ketë neglizhuar, kurse sulmet janë dashakeqe dhe të qellimshme.
Zëdhënësja e ‘Demokratëve Euroatlantikë’, Mirela Karabanina ka reaguar për vrasjen e Egli Progës në Pogradec. Në një deklaratë për mediat, Karabina u shpreh se ngjarja ka shokuar opinionin publik, ndërsa edhe ajo hedh akuza se policia ka tentuar që ta manipulojë ngjarjen, duke e raportuar fillimisht si aksidentale dhe më pas si vrasje.
Karabina thotë se duhet një hetim i thelluar për organet kompetente, duke nisur nga Policia e Pogradecit, Prokuroria dhe Gjykata e Korçës. Sipas Karabinës, kjo ngjarje dëshmon degradimin e shtetit.
Deklarata e Mirela Karabinës
Partia Demokratike-Demokratët Euroatlantikë është duke ndjekur me vëmendje dhe shqetësim të thellë ngjarjen e rëndë në Pogradec që ka shokuar opinionin publik, ku një shtetas humbi jetën, duke u lënë për 30 minuta në mes të rrugës e në gjendje të rëndë, ku as policia dhe as ndihma e parë mjekësore nuk vepruan në kohë për të shpëtuar jetën e të ndjerit. Ditë pas dite zbardhen fakte të reja të cilat dëshmojnë degradimin e krejt shtetit në këtë vend, pasi nga momenti i ngjarjes e deri më sot, është ndryshuar disa herë versioni zyrtar i ngjarjes.
Filimisht u raportua si vdekje aksidentale dhe më pas që i riu ishte dhunuar ashpër deri në humbje të jetës në mes të rrugës. Heshtja dhe mosreagimi në kohë për fshehjen e së vërtetës dhe zbardhjen e vrasjes, ka ngjallur frikë dhe indinjatë te qytetarëve, pasi jeta e tyre është në rrezik dhe shteti nuk funksionon për t’i mbrojtur ata.
Partia Demokratike-Demokratët Euroatlantikë kërkon një hetim te thelluar mbi veprimet e organeve kompetente për mosreagim e tyre në kohë si dhe të vlerësimit që i kanë bërë në tërësi rastit në fjalë, konkretisht: Komisariatit të Policisë Pogradec, Prokurosisë dhe Gjykatës së Shkallës së Parë me Juridiksion të Përgjithshëm Pogradec si dhe Urgjencës së Spitalit.
Këto autoritete duhet të mbajnë përgjegjësi, duke filluar nga vonesa në dhënien e ndihmës së shpejtë, duke vijuar me përpjekjen e policisë për ta raportuar ngjarjen si aksidentale, pra duke e manipuluar atë, e duke vijuar me autoritetet lokale te drejtësisë.
Ngjarja tragjike ka tronditur jo vetëm qytetin e Pogradecit, por mbarë opinionin publik shqiptar. Kjo ngjarje duhet të zbardhet menjëherë dhe të shkojnë para drejtësisë të gjitha ata që u bënë pjesë e humbjes së jetës së një të riu, një biri, një babai të dy fëmijëve jetimë dhe një bashkëshorti. Partia Demokratike-Demokratët Euroatlantikë i shpreh ngushëllime të sinqerta familjarëve të të Ndjerit.
Lajme të tjera
-
Policia e referoi 'vrasje me dashje', prokuroria zbuti akuzën' për vrasësin e Egli Progës! Inspektoriati i Lartë i Drejtësisë nis verifikimin
14 Gusht, 15:58 -
Vrasësit të Progës iu lehtësua akuza në vrasje nga pakujdesia, Gjykata e Korçës ‘zhvishet’ nga përgjegjësia, ‘topin’ ia kalon Prokurorisë! ILD nis verifikimin
14 Gusht, 15:47 -
Vrasja e Egli Progës në Pogradec, reagon Edi Rama: Akuzën e ndryshoi Prokuroria! Mirëkuptoj indinjatën e kujtdo, që ndjehet i skandalizuar
14 Gusht, 13:35 -
Rrahja dhe vdekja e Egli Progës në Pogradec, Brataj: Autoambulanca shkoi për 7 minuta në vendngjarje
14 Gusht, 12:40 -
ME VIDEO/ Momenti i fundit kur Egli Proga mbyll lokalin pak para se të vritej! Pak minuta më pas i vrarë në mes të rrugës
14 Gusht, 11:54 -
Akuzat për fshehje të vrasjes së Egli Progës, Rrumbullaku: Skandaloze! Janë pa baza dhe prova! S'ka lidhje me gjobëvënien, por konflikt i çastit! E referua si 'vrasje me dashje'
14 Gusht, 11:48
-
Më ndihmo të paktën ta di pse ma vranë djalin
14 Gusht, 11:07
-
'Kisha pirë gjithë ditën alkool!' Zbardhet ''alibia'' e Denis Meçes: Nuk doja ta vrisja Egli Progën, por t’i fusja një shpullë pasi më shau
14 Gusht, 09:44 -
Kodi i heshtjes dhe si fshihet një krim...
14 Gusht, 07:04
-
'Të fortët me imunitet ia morën jetën', Sula për vrasjen në Pogradec: Institucionet të mos e ‘vrasin’ për herë të dytë
13 Gusht, 22:28 -
Lekët e xhiros që dyshohet i morën jetën! 'Dëshmitarët mbyllën sytë dhe veshët', ja sa para u gjetën në xhepat e Egli Progës
13 Gusht, 19:47 -
'E pashë që u godit njëri me grusht në kokë, por s’e identifikova kush i ra', kushëriri i Egli Progës: I kërkova shokut të Denisit ta çonte në spital, s’pranoi
13 Gusht, 18:55
