Policia e Korcës ka arrestuar 3 dëshmitarët Voltan Shulkun, Leonidha Guçen dhe Arian Manellarin, lidhur me vrasjen e Egli Progës në Pogradec, më 10 gusht 2024.
Arrestimi i 3 personave ka ardhur pasi Gjykata e Shkallës së Parë Korçë, ka ndryshuar masën e sigurisë nga "Detyrim paraqitje në Policinë Gjyqësore", në "Arrest në burg".
"Seksioni për Hetimin e Krimeve ndaj Personit ka bërë ekzekutimin e urdhrit të Prokurorisë për ndalimin e shtetasve: Voltan Shulku, 40 vjeç, Arian Manellari, 55 vjeç, dhe Leonidha Guçen, 47 vjeç, banues në Pogradec. Gjykata e Shkallës së Parë Korçë, ka ndryshuar masën e sigurisë nga "Detyrim paraqitje në Policinë Gjyqësore", në "Arrest në burg", për veprën penale "Veprime që pengojnë në zbulimin e së vërtetës", për ngjarjen e ndodhur në lagjen nr. 1 Pogradec, ku humbu jetën shtetasi Egli Proga, 42 vjeç. Këta shtetas kanë qenë të pranishëm kur ka ndodhur ngjarja dhe nuk kanë kallëzuar krimin duke penguar zbardhjen e së vërtetës", njoftoi sot policia.
Ndërkohë, Prokuroria e Korçës ka deklaruar se lidhur me ngjarjen ku mbeti i vrarë 42 vjeçari Egli Proga në Pogradec, ka pasur ndërhyrje në kamerat e sigurisë. Sipas informacioneve të Report Tv, bëhet me dije se po punohet për të rikthyer pamjet e filmuara nga kamera e sigurisë në ambjentet e brendshme të lokalit.
Si u vra Egli Proga?
Ngjarje e rëndë ka ndodhur më 10 gusht të këtij viti. Sipas dëshmive të mbledhura nga policia, Egli Proga ka shkuar tek lokali ku ka ndodhur ngjarja, për të pirë. Jashtë lokalit ka qenë autori me dy të tjerë edhe këta të pirë, ndërsa brenda lokalit ka qenë dhe një shtetas vetëm, edhe ai duke pirë.
Egli fillimisht është ulur me personin brenda duke pirë me të dhe në këtë moment ka nisur debati me tre personat që kanë qenë duke pire jashtë kur Meçe u afrua duke kërkuar një cigare. Autori është ngritur nga tavolina e tij dhe ka vajtur tek viktima për ta sqaruar se çfarë kishte dhe debati u acarua.
Pas kësaj autori i ka kërkuar të dalë jashtë e të sqarohen dhe kur kanë dalë jashtë autori e ka shtyrë ose goditur viktimën i cili është rrëzuar dhe ka humbur jetën .
Prokuroria e Korçës ka deklaruar se lidhur me ngjarjen ku mbeti i vrarë 42 vjeçari Egli Proga në Pogradec, më 10 gusht, ka pasur ndërhyrje në kamerat e sigurisë.
Sipas informacioneve të Report Tv, po punohet për të rikthyer pamjet e filmuara nga kamera e sigurisë në ambjentet e brendshme të lokalit.
Sipas burimeve paraprake, po ashtu po vijon puna në laborator për të rikthyer edhe filmimet e plota të kamerës së sigurisë të cilat kanë filmuar momentin e ngjarjes.
Lajme të tjera
-
Korçë, hyn me forcë brenda një banke të nivelit të dytë, sa vjen policia ikën me shpejtësi
21 Dhjetor, 23:41
-
Emigrantët kthehen në Shqipëri për festa, fluks në Kapshticë
21 Dhjetor, 10:30 -
Korçë/ Shpërndanin kokainë në doza, arrestohen 4 persona, mes tyre një turk! Sekuestrohet 1 pistoletë, 57 gr kokainë dhe rreth 9 mijë euro
21 Dhjetor, 10:13 -
Kujtohet në vendlindje Lasgush Poradeci, bojkoton e bija! Aktivitet kulturor për 125 vjetorin e lindjes së poetit
20 Dhjetor, 16:49 -
Kampionati kombëtar i fluturimeve ‘Korça Open Air’! Pjesëmarrës 40 pilotë nga shtete të ndryshme
20 Dhjetor, 16:39
-
Pogradec/ Policia dhe Inspektoriati i peshkimit sekuestrojnë varkën në liqen, autorët e braktisën! Sekuestrohet edhe 300 metra rrjetë
20 Dhjetor, 14:24
-
S’ka më koran në Pogradec, ndalohet gjuetia për tre muaj! Në restorante vetëm peshk i ngrirë
18 Dhjetor, 16:47
-
Korçë/ Shiste fishekzjarre kontrabandë, vihet nën hetim pronarja e subjektit (VIDEO)
18 Dhjetor, 10:05 -
Mjegulla mbulon Korçën dhe akset nacionale, policia apel shoferëve: Qarkulloni me shpejtësi të reduktuar (VIDEO)
18 Dhjetor, 09:18 -
Korçë/ Përfshihet nga flakët banesa, shkak një shkëndijë elektrike! Shkrumbohet nga zjarri edhe një shtëpi në Kolonjë! Shpëtojnë familjarët (VIDEO)
18 Dhjetor, 09:13 -
Korçë/ Aksident pranë fshatit Libonik, mjeti del nga rruga dhe kthehet përmbys! Policia në vendngjarje
17 Dhjetor, 20:32 -
Bëma nga Kategoria e Tretë, miqtë braktisin ndeshjen dhe gjithë ekipi ndëshkohet me karton të verdhë
15 Dhjetor, 16:41
