POP 5

Lajmet më të lexuara të 5 minutave të fundit

Kronikë

Vrasja e Klaudio Prendit/ U ekzekutua nga vrasës me pagesë, policia në gjurmët e autorit e porositësit! Djali i ish-gjyqtarit me borxhe nga lotot

Djali 27-vjeçar i ish-gjyqtarit Fran Prendi, Klaudi Prendi, dyshohet të jetë ekzekutuar nga vrasës me pagesë. Policia ka shoqëruar disa persona, dhe ka dyshime të forta se mes tyre mund të jenë edhe ekzekutorët apo porositësit. Hetimet e vrasjes me silenciator më 19 nëntor të vitit të kaluar, i ka marrë në dorë SPAK pasi dyshohet se kemi të bëjmë me një grup të strukturuar kriminal.

TIRANË - Gati dy muaj pas vrasjes së djalit të ish-gjyqtarit Fran Prendi, Klaudio Prendi në rrugën "Xhanfize Keko" në Tiranë, policia po bie në gjurmët e autorëve dhe porositësve të krimit, që nga hetimet e deritanishme të SPAK, dyshohet se kemi të bëjmë me vrasës me pagesë, pjesë e një grupi të strukturuar kriminal.

Burime për Report Tv thonë se policia ka shoqëruar të tjerë persona për t'i marrë në pyetje dhe ka dyshime të forta se në mesin e tyre mund të jenë edhe autorët dhe porositësit që kanë paguar për vrasjen e 27-vjeçarit Klaudio Prendi.

Djali i ish-gjyqtarit dyshohet se merrej me aktivitetin e paligjshëm të basteve sportive, dhe ishte përfshirë në disa konflikte pasi nuk i jepte lekët fituesve, duke u përfshirë në një borxh prej të paktën 15 mijë euro. Hetuesit po verifikojnë edhe një tjetër pistë, atë të borxheve të krijuara nga paratë me fajde.

Mesnatën e 19 nëntorit të vitit të kaluar, Prendi ishte në lokal në shoqërinë e tre miqve të tij, efektivë policie, Autorët, që po e ruanin, pritën sapo mbaroi kafen dhe u fut në makinën e tij “G Class”, parkuar përballë lokalit. Aty i dolën paralel me një automjet Audi të vjedhur 1 vit më parë te Liqeni, me targë gjithashtu të vjedhur në Greqi dhe vetëm në 4 sekonda e qëlluan me 5 plumba me silenciator.

Një prej policëve shok me Prendin ndoqi autorët por i humbën tek rrethi i Shkozës, ndërsa 2 efektivët e tjerë çuan të riun në spital. Autorët u larguan drejt Farkës, dogjën makinën dhe nga aty humbën çdo gjurmë

 

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Spahiu: Votuesit e PD dhe PS nuk ndikohen nga akuzat që SPAK bën për liderët e tyre politikë

Spahiu: Votuesit e PD dhe PS nuk ndikohen nga akuzat që SPAK bën për liderët e tyre politikë

9 Janar, 22:21