Vrasja e Klodian Rashës, Prokuroria kërkon 20 vite burg për ish-policin Nevaldo Hajdaraj, i ulet 1/3 e dënimit nga gjykimi i shkurtuar! Dalin pamje të reja nga ngjarja tronditëse

Vrasja e Klodian Rashës, Prokuroria kërkon 20 vite burg për ish-policin Nevaldo Hajdaraj, i ulet 1/3 e dënimit nga gjykimi i shkurtuar!  Dalin pamje të reja nga ngjarja tronditëse

Nevaldo Hajdaraj dhe Klodian Rasha

20 vite burg ka kërkuar prokuroria e Tiranës për efektivin e Shqiponjave që vrau Klodian Rashën më 8 dhjetor 2020 në Laprakë. 

Gazetari Arsen Rusta thotë se në rast dënimi, Nevaldo Hajdaraj do të përfitojë ulje me 1/3, çka do të thotë se dënimi shkon deri në 13 vite e 4 muaj burg. Kjo pasi, më herët Gjykata i pranoi efektivit 28-vjeçar kërkesën për gjykim të shkurtuar.

Klodian Rasha, u vra në orët e mëngjesit të 8 dhjetorit, dhe është qëlluar nga një distancë prej 5 metrash largësi nga punonjësi i policisë, pas orës policore, teksa Nevaldo Hajdaraj, e qëlloi me armën e shërbimit. Pamjet filmike kryesore të sekuestruara nga prokuroria e Tiranës, e tregonin qartë veprimin e policit, ku para kamerës së një servisi në Laprakë, duket se është pozicionuar për të qëlluar me armën e shërbimit në drejtim të personit që ai po ndiqte. Në filmim, sipas grupit të hetimit, dallohet se viktima është larguar me vrap. Ndërkohë nga një distancë shumë e afërt prej 5 metrash, polici i pozicionuar i shtrirë në trotuar ka hapur dy herë zjarr drejt tij.

Vrasja e Rashës pasoi një valë protestash dhe tensionesh politike që sollën dhe dorëheqjen e Sandër Lleshajt si ministër i Brendshëm. Vetë 25-vjecari u shpall dëshmor, ndërsa familjes ui lidh pension i përhershëm. Ndërkohë që pamje të reja janë publikuar nga vrasja tronditëse, që solli reagime të forta. 

VIDEO/ Momenti i vrasjes së Klodian Rashës

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dani Alves 'e djeg' pasi lë qelinë, festë deri në orët e para të mëngjesit

Dani Alves 'e djeg' pasi lë qelinë, festë deri në orët e para të mëngjesit