Qeveria e Kosovës ka reaguar ashpër mbi ngjarjen e rëndë që tronditi vendin fqinj, lidhur me vrasjen e politikanit serb, Oliver Ivanoviç. Qeveria kosovare ka dënuar aktin e vrasjes me armë zjarri të liderit serb të iniciativës qytetare ‘Liri, Drejtësi, Demokraci’.

Qeveria e Republikës së Kosovës vlerëson se akti i vrasjes së Ivanoviç sfidon sundimin e ligjit dhe çdo përpjekje për të vendosur rendin në gjithë territorin e Kosovës.

“Dhuna është e papranueshme pa marrë parasysh nga kush vjen dhe ndaj kujt drejtohet”, thuhet në reagimin e qeverisë.

Reagimi i plotë:
Qeveria e Republikës së Kosovës dënon ashpër aktin e vrasjes me armë zjarri të politikanit serb nga Kosova, Oliver Ivanoviç, përpara selisë së partisë së tij në pjesën veriore të Mitrovicës.

Qeveria e Republikës së Kosovës vlerëson se akti i vrasjes së Oliver Ivanoviçit sfidon sundimin e ligjit dhe çdo përpjekje për të vendosur rendin në gjithë territorin e Kosovës. Dhuna është e papranueshme pa marrë parasysh nga kush vjen dhe ndaj kujt drejtohet. 

Qeveria fton të gjithë qytetarët që të bashkëpunojnë me organet e rendit në zbardhjen e rastit dhe njëkohësisht nga mekanizmat e sigurisë kërkon që të kapin autorët e krimit dhe t’i sjellin ata përpara drejtësisë.  

d.c./shqiptarja.com