POP 5

Lajmet më të lexuara të 5 minutave të fundit

Kronikë

Vrasja e Pjerin Xhuvanit, Apeli urdhëron të rindërtohet skena e krimit, caktohen ekspertët! Nga u qëllua, drejt kujt e distanca e qitjes?

Gjykata e Apelit ka caktuar 3 ekspertë për të rindërtuar skenën e ngjarjes ku u vra Pjerin Xhuvani. Një nga ta, do jetë pjesë e policisë, kurse dy të tjerët ekspertë të pavaruar. Apeli kërkon të përcaktohet drejtimi i qitjes së armëve ditën e ngjarjes, distancën dhe pozicionet nga është qëlluar. 

TIRANË- Gjykata e Apelit e Juridiksioni të Përgjithshëm ka vijuar këtë të hënë seancën për Arbër Paplekajn, i dënuar nga shkalla e parë për vrasjen e Pjerin Xhuvanit në Elbasan, në zgjedhjet parlamentare të 2021.

Apeli i Juridiksionit të Përgjithshëm pranoi më 4 mars rihapjen pjesërisht të procesit ndërsa në senacën e sotme trupa gjykuese ka urdhëruar që Arjan Hako, ekspert i Institutit të Policisë Shkencore dhe 2 ekspertë të pavarur, Artan Rexhepi dhe Shpëtim Buda, do të rindërtojnë skenën e krimit ku u vra Xhuvani. Sipas gjykatës ekspertët duhet të përcaktojnë drejtimin e qitjes së armëve ditën e ngjarjes, distancën dhe pozicionet nga është qëlluar. 

Mësohet se eksperti i Policisë së Shtetit ka deklaruar në seancë se “nuk mund të marrë pjesë në këtë proces, nuk ma lejon rregullorja e punës". Ai u shpreh se ishte i specializuar për gjurmët papilare jo balistike, por kjo kërkesë nuk u pranua nga gykata e cila sugjeroi të punojnë në grup.

Gjykata vendosi të shtyjë seancën për kryerjen e akt ekspertimeve në datë 9 prill ora 12:30. Gjithashtu gjykata njofton policinë e Elbasanit dhe drejtorinë e përgjithshme të policisë që t’ju garantojë masat për kryerjen e eksperimentit dhe të rindërtimit të ngjarjes.

Trupa gjykuese vendosi t’i kërkojë informacione shtesë prokurorisë së Elbasanit për pushimin e çështjes penale ndaj Kelmed Xhaferrit  i njohur si Kel Çami, i denoncuar më herët nga Gazment Bardhi si i përshirë në bandën që solli përplasje ditën e Verës në Elbasan. Informacione ka kërkuar dhe për procedimin në ngarkim të Mehmet Grecës.

Paplekaj kërkon rikualifikim të veprës penale, nga vrasje me dashje në vrasje në kushtet e tronditjes së fortë psikike. Ai u dënuar me 22 vite burg nga shkalla e parë për vrasjen e Pjerin Xhuvanit më 21 prill 2021, pak ditë para zgjedhjeve parlamentare. Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje pasi u qëllua më parë nga persona që sipas tij po blinin vota. Ngjarja zbuloi edhe skandalin e PD-së për ngritjen e një grupi të armatosur, të vetëshpallur Struktura për Mbrojtjen e Votës.

Për vrasjen e Xhuvanit, u dënuan me 1 vit shërbim prove dy ish-zëvendësdrejtorët e Policisë së Elbasanit, Albert Nushi dhe Nikollaq Palla. Po ashtu dënim me nga 16 muaj shërbim prove u vendos edhe për 6 efektivët e “Shqiponjave” Dedion Duraku, Pëllumb Biçaku, Erion Balla, Erion Meçja, Donald Dedja dhe Besmir Kadiu.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Pastruan 11 mln euro përmes kompanive fiktive, i sillnin nga parajsat fiskale, Gjykata cakton 'arrest në burg' për Darin Gezdarin dhe 'arrest shtëpie' Arlinda Markut

Pastruan 11 mln euro përmes kompanive fiktive, i sillnin nga parajsat fiskale, Gjykata cakton 'arrest në burg' për Darin Gezdarin dhe 'arrest shtëpie' Arlinda Markut

23 Dhjetor, 09:48 nga Keti Banushi